Skuadra e Roma-s ka bërë goditjen e dytë këtë merkato dimërore. Pas afrimit të, Ainsley Maitland-Niles, nga Arsenal-i, një tjetër lojtar ka ardhur në “Olimpico”.
Mesfushori portugez, Sergio Oliveira, ka mbërritur në kryeqytetin italian nga Porto. Formula për transferimin e 29-vjeçarit është huazim i thjeshtë me mundësi blerje në fund të sezonit.
Portugezi ishte një nga lojtarët më të përdorur te Porto këtë sezon. Ai numëron 13 paraqitje në Liga Bwin, gjashtë në Champions League dhe pesë në Kupat e Portugalisë. Në 24 paraqitjet që ka në total, ai ka shënuar pesë gola dhe ka dhuruar një asist.
29-vjeçari luan tre pozicione në mesfushë. Si mesfushor i avancuar, qendre dhe shkatërrues.
Lojtari i përfaqësueses së Portugalisë do e ketë eksperiencën e parë në Serie A. Më herët ai është aktivizuar edhe me PAOK-un në Greqi, Nantes-in në Ligue 1 dhe KV Mechelen-in në Belgjikë.
Ndërkohë nga skuadra verdhekuqe priten dy largime. Gonzalo Villar-i dhe Borja Mayoral-i do të kalojnë në huazim te Getafe në La Liga.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel