Një foshnjë u vra dhe nëna e tij mbeti e plagosur nga ekipi i Komandës së Rojës Bregdetare të Venezuelës.
Kjo ngjarje e rëndë, sipas kryeministrit të Trinidad dhe Tobago-s, Keith Rowley, ka ndodhur të shtunën e 5 shkurtit.
Sipas tij, oficerët ishin munduar të qëllonin motorët e varkës, pasi i urdhëruan vazhdimisht që të ndalonin.
Ndër të tjera, ai ka shpjeguar se, “pasi ekipi i Komandës së Rojës Bregdetare e ka cilësuar ‘operacione sigurie’ që përfshinin trafikimin e qenieve njerëzore, ka vendosur të qëllojë”.
Ndërkaq, Venezuela ka kërkuar që ishujt-shtet Trinidad dhe Tobago të nisin një hetim të menjëhershëm për incidentin e ndodhur.
Në një njoftim për shtyp, ekipi i Komandës së Rojës Bregdetare tha se të shtënat ishin për “vetëmbrojtje” dhe kishin për qëllim të parandalonin përplasjen e varkës.
Zyrtarët e Trinidad-it kanë identifikuar foshnjën, Yaelvis Santoyo Sarabia, që vdiq në krahët e nënës, Darielvis Sarabia.
Sarabia ka marrë plagë me armë zjarri dhe është dërguar në spital. Ajo është në gjendje të qëndrueshme për jetën.
Menjëherë pas ngjarjes ka reaguar edhe Jean Gough, drejtori rajonal i UNICEF-it në Amerikën Latine dhe Karaibe.
“Asnjë fëmijë emigrant nuk duhet të vdesë kurrë, qoftë duke udhëtuar me prindërit e tij apo vetëm!”, ka thekuar ai.
Po ashtu, Gough tha se “asnjë nënë nuk dëshiron të rrezikojë jetën e fëmijëve të saj në një anije të vogël në thellësi të detit, përveç nëse nuk ka zgjidhje tjetër”.
Kryeministri i Trinidadit, Rowley, tha se kishte folur me zëvendëspresidenten e Venezuelës, Delcy Rodriguez.
Ai shprehu “ngushëllime në emrin e tij dhe të gjithë popullit të Trinidadit dhe Tobagos në lidhje me humbjen fatkeqe të jetës së foshnjës”.
El Gobierno de Trinidad y Tobago debe establecer responsabilidades y hacer justicia.
Venezolanos en esa isla han sido víctimas de disparos, deportaciones y naufragios. ¡Basta del maltrato hacia nuestros migrantes y refugiados por parte de un aliado de Maduro!
— Juan Guaidó (@jguaido) February 7, 2022
Nga ana tjetër, udhëheqësi i opozitës venezueliane, Juan Guaido, në një status në Twitter i përshkroi të shtënat si “të pajustifikuara” dhe se “qeveria e Trinidadit dhe Tobagos duhet të vendosë përgjegjësi dhe të bëjë drejtësi”.
Marrë nga Aljazeera, përshtatur për Albanian Post!
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit