Rohde përshëndet Kosovën dhe Serbinë për largimin e regjimit të stikersave nga targat

Ambasadori i Gjermanisë në Kosovë, Jorn Rohde, ka përshëndetur vendimin e Qeverisë së Kosovë për largimin e regjimit të letrave ngjitëse/stikerave nga veturat me targa të Serbisë që hyjnë në territorin kosovar.

Vendimi i ekzekutivit kosovar për largimin e stikersave për targat e automjeteve serbe erdhi pasi Qeveria e Serbisë lejoi qarkullimin e targave të Republikës së Kosovës (RKS) në territorin serb.

E këto vendime reciproke nga të dyja shtetet, sipas Rohde, do të bëjë më të lehtë udhëtimin në mes dy vendeve fqinje.

“‘Tschüss’, stikersat në targa. Mirëpresim vendimet e qeverisë kosovare dhe serbe për largimin e regjimit të stikersave, kështu u bë më lehtë udhëtimi mes dy fqinjëve”, shkroi Rohde në platformën sociale, X.

Tschüss, stickers on license plates!👋
Welcoming Kosovar and Serbian governments ditched the "sticker regime", making travels between the two neighbours easier. 🚗
From now on, the only stickers that should be used are the ones for your @EURO2024 sticker albums! 🌐⚽️
🇩🇪🤝🇽🇰🇷🇸 pic.twitter.com/hq9VfGZbLT

— Ambassador Jörn Rohde (@GermanAmbKOS) January 5, 2024

Ndryshe kryeministri i Kosovës, Albin Kurti, këtë të premte, përmes një postimi në platformën sociale në Facebook, ka shpjeguar se si ka ardhur deri te vendimi i Qeverisë së Kosovës për largimin e regjimit të letrave ngjitëse/stikerave nga veturat me targa të Serbisë që hyjnë në territorin kosovar.

Meqë Policia e Kosovës, sipas Kurtit, ka konstatuar se targat e Republikës së Kosovë (RKS) po qarkullojnë lirshëm e hapur nëpër territorin e Serbisë nga 1 janari 2024, atëherë Qeveria e Kosovës, në shpjegimin e Kurtit, bazuar në parimin e reciprocitetit ka vendosur lejimin e qarkullimit të automjeteve me targa të Serbisë, pa regjimin e stikersave.

Por, sipas tij, në rast se Policia e Kosovës ndërkohë pranon raportime nga terreni për ndryshim të qasjes a sjelljes nga autoritetet e Serbisë për targat RKS, atëherë edhe Qeveria e Kosovës do të veprojë.

Kurti shpjegon pse u larguan stikersat nga targat e Serbisë: Nëse gjendja ndryshon, veprojmë

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.