Rohde përkujton ekipin e gazetarëve të revistës gjermane që u vranë një ditë pas çlirimit të Kosovës
![](https://albanianpost.com/wp-content/uploads/2024/06/JORN.jpg)
Ambasadori i Gjermanisë në Prishtinë, Jorn Rohde, përkujtoi të enjten ekipin e gazetarëve të revistës gjermane Stern në përbërje prej gazetarit italian, Gabriel Grüner, fotoreporterit gjerman, Volker Krämer, dhe përkthyesit shqiptar, Shenoll Aliti, të cilët u vranë nga një mercenar rus në afërsi të Suharekës, një ditë pas hyrjes së trupave të NATO-s në Kosovë.
“Në ‘ditën e parë të paqes’, 25 vjet më parë, gazetarët Gabriel Grüner, Volker Krämer dhe përkthyesi i tyre Shenoll Aliti të revistës gjermane Stern janë vrarë në afërsi të Suharekës në Qafën e Duhlës. Sot, ne përkujtuam vdekjen e tyre bashkë me zyrtarë vendas, të afërm dhe kolegë gazetarë”, shkroi ambasadori Rohde në një postim në platformën “X” të enjten pasdite.
Kosova shënoi 25-vjetorin e Ditës së Lirisë apo Çlirimit të Kosovës – atëherë kur tankset britanike “Challenger” në rrugë tokësore dhe “Apache-t” amerikanë përmbi qiell, në kuadër të trupave paqeruajtëse të aleancës së NATO-s, filluan marshimin në Kosovë – pas fushatës ajrore të aleancës kundër caqeve ushtarake e policore serbe në Kosovë, Serbi e Mal të Zi.
Ndryshe, një çerekshekulli pas përfundimit të luftës në Kosovë, pothuajse të gjitha rastet e gazetarëve – shqiptarë e serbë – të cilët janë rrëmbyer, vrarë apo zhdukur gjatë apo pas periudhës së luftës në Kosovë, mbeten ende të pazgjidhura. Asociacionet e gazetarëve në Kosovë dhe Serbi në vazhdimësi u bëjnë thirrje mekanizmave të drejtësisë që të hetohen e zbardhen rastet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dorëheqja e serbëve nga Policia në Veri – “disa kërkuan të kthehen”
-
“Ulqini, shtëpi e dytë për kosovarët”, Osmani uron kryetarin e ri Genci Nimanbegun
-
Hamza optimist: Do të jem kryeministër i ardhshëm i Kosovës
-
“I shkaktuan dëme mbi 600 mijë euro dhe e detyruan viktimën ta mbyllte kompaninë”, Policia jep detaje për dy fajdexhinjtë e arrestuar
Lajmet kryesore
-
“Black out” energjetik në rajon, Komisioni Evropian nis hetim ndërkombëtar për incidentin
-
Metani takim me homologun e tij francez: Forcim i standardeve profesionale dhe të etikës së magjistratëve
-
Çështja ndaj Trump për dokumentat sekrete – mbrojtja sfidon emërimin e Prokurorit të Posaçëm
-
Dorëheqja e serbëve nga Policia në Veri – “disa kërkuan të kthehen”