Rita Ora e dashuruar ‘kokë e këmbë’ në burrin e saj – pozojnë bashkë për “Vogue Australia”

Këngëtarja shqiptare me famë botërore, Rita Ora bashkë me regjisorin e famshëm australian, Taika Waititin kanë pozuar se bashku për revistën ikonike “Vogue” të Australisë.

Çifti e kanë konfirmuar se në janarin e këtij viti e kanë kurorëzuar me martesë dashurinë e tyre, derisa dyshja u shfaqën në kopertinën e revistës, plot me stil e më të dashuruar se kurrë, shkruan DailyMail, transmeton AlbanianPost.

Ylli britanik i muzikës pop, 32-vjeçe, dukej e mahnitshme me një fustan të gjatë shkëlqyes, grim të lehtë e flokë të lëshuara, gjersa partneri i saj 47-vjeç zgjodhi një palë xhinse dhe triko të bardhë.

Imazhet e tjera nga fotosesioni, shfaqin Orën me një fustan të shkurtër me pupla, dhe jo vetëm.

Në një imazh të tretë, këngëtarja mori një pozë të zjarrtë ulur në një tavolinë në natyrë me një fustan të gjatë blu dhe doreza të ngjashme, derisa bashkëshorti u paraqitur duke i qëndruar pranë dhe duke e shikuar atë, teksa kishte veshur xhaketë kostum ngjyrë rozë, pantallona të ngjashme dhe një triko të bardhë.

Ylli i hitit “Shine ya light, ka zbuluar se frymëzim i albumit të saj “You and I”, ishte pikërisht Taika dhe romanca që ata po e jetojnë tash e sa kohë.

Në anën tjetër, Taika ka folur rreth martesës me Ritën si dhe mënyrën se si ai ndihet kur është pranë saj.

“Kjo është çështja e martesës, e marrëdhënieve, ka të bëjë me gjetjen e atij personi me të cilin dëshiron të shoqërohesh. Ka të bëjë me sakrifikimin e gjërave të caktuara dhe për të gjetur kohë për njëri-tjetrin, veçanërisht kur ka dy njerëz të zënë në marrëdhënie. Jemi më të qetë me njëri-tjetrin dhe mund të bëjmë shaka dhe më pas mund të bëhemi edhe seriozë kur duhet”, ka thënë pos tjerash ai.

Ndryshe, më 5 shtator të vitit të kaluar, Presidenti i Republikës së Shqipërisë, Bajram Begaj e pati dekoruar Rita Orën me Titullin “Naim Frashëri”.

Kjo, me motivacionin “Në vlerësim të kontributit të dhënë në lartësimin e vlerave artistike dhe njerëzore përmes artit”.

Rita Ora u vlerësua edhe për rolin e saj si ambasadore në çështje me ndjeshmëri të lartë kombëtare dhe globale.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.