Sport

Rikthehet klasikja e futbollit evropian, Italia përballet me Anglinë


Italia dhe Anglia do të përballen mbrëmjen e kësaj të premte për llogari të Ligës së Kombeve, duke filluar nga ora 20:45. Dy skuadrat janë pjesë e Grupit 3 në Ligën A.

Kjo do të jetë përballja e 30-të mes Italisë dhe Anglisë. Bilanci është në favor të italianëve me 10 fitore, 11 barazime dhe tetë triumfe janë për anglezët.

Fitorja e fundit e Anglisë kundër Italisë daton në ndeshjen miqësore të 15 gushtit 2012. Që atëherë një fitore e “Azzurri” dhe katër barazime (përfshirë finalen e Kampionatit Evropian të fituar më pas nga Italia me penallti).

Italianët kanë humbur vetëm dy nga 12 ndeshjet kundër Anglisë të luajtura në Itali (5F, 5B), e fundit prej të cilave në maj 1961 në një miqësore.

Italia nuk ka fituar në Milano në gjashtë ndeshjet e fundit, në të cilat grumbulloi pesë barazime të ndjekura nga humbja kundër Spanjës në tetor 2021 në Ligën e Kombeve. Ata nuk kanë humbur kurrë dy ndeshje radhazi në kryeqytetin lombard në historinë e tyre.

Pas humbjes 2-5 kundër Gjermanisë në ndeshjen e fundit të luajtur më 14 qershorin e kaluar, Italia mund të humbasë dy ndeshje radhazi për herë të parë që nga qershori 2014. Në atë rast kundër Kosta Rikës dhe Uruguait në fazën e grupeve të Kupës së Botës në Brazil.

Anglia nuk ka fituar në katër ndeshjet e fundit (2BN, 2H). Tre Luanët nuk kanë regjistruar një seri më të gjatë pa sukses që nga qershori 2014, kur arritën në pesë.

Roberto Mancini do të jetë në ndeshjen e tij të 54-të me Italinë, duke kaluar kështu Arrigo Sacchi-n dhe duke iu bashkuar Ferruccio Valcareggi dhe Azeglio Vicini (të dy në 54) në vendin e pestë në renditjen e trajnerëve me më shumë ndeshje në stolin e kombëtares.

Nëse ai do të luante këtë ndeshje, Ciro Immobile do të barazohej me Roberto Baggio (56 ndeshje të luajtura) për paraqitjet me kombëtaren italiane. Megjithatë, sulmuesi i Lazio-s deri më tani ka shënuar 15 gola, 12 më pak se ato të shënuara nga “Bishtaleci i Artë” (27 ).

Mes lojtarëve të thirrur nga Mancini për këtë sfidë, vetëm Leonardo Bonucci e ka gjetur tashmë golin kundër Anglisë, në finalen evropiane më 11 korrik 2021.

Mbrojtësi i lindur në 1987 mund të arrijë Giorgio Chiellini dhe Daniele De Rossi (të dy në 117 ) në vendin e katërt në renditjen e lojtarëve me më shumë paraqitje me fanellën e Italisë.

Lorenzo Pellegrini e ka gjetur golin në dy ndeshjet e fundit në shtëpi të Italisë, kundër Gjermanisë dhe Hungarisë. Lojtari i fundit që ka realizuar në tre ndeshje radhazi të luajtura me kombëtaren në shtëpi ishte Alessandro Del Piero midis viteve 1995 dhe 1996.

Asnjë lojtar i Anglisë nuk ka marrë pjesë në më shumë gola se Harry Kane (dy gola dhe tre asistime) në Ligën e Kombeve (pesë, si Marcus Rashford).

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com

Lajmet kryesore