Trajneri i liderëve të Premier League dhe kampionëve në fuqi të elitës angleze, Pep Guardiola, i ka kërkuar drejtuesve të klubit rinovimin me Raheem Sterling.
Pas paraqitjeve të fundit të sulmuesit anglez, spanjolli mendon se ai mund të jetë shumë i nevojshëm për të ardhmen e klubit.
Muajve të fundit, Guardiola dhe Raheem Sterling kishin një “prishje” të marrëdhënieve.
Sterling në fillim të sezonit e humbi vendin e titullarit, duke mbetur thjesht një zëvendësim i papërdorur për shumicën e takimeve të kampionëve.
Mirëpo, pas lëndimeve të shumta, Guardiola u detyrua që të startojë me Sterling, dhe anglezi e tregoi vlerën e tij.
Ai jo vetëm që shënon dhe asiston, por bën lojë të mirë në mbrojtje, duke i ndihmuar shumë Pep-it në vendosjen e skuadrës.
Përkundër kërkesës, Guardiola e ka bërë të ditur që nuk do të përfshihet në negociatat e mundshme.
Trajneri spanjoll gjithmonë ia ka lënë në dorë klubit dhe agjentëve që të shikojnë punët teknike, por ai e ka bërë të qartë detyrën që ta mbajë Raheem-in në “Etihad”.
Kontrata aktuale e Raheem Sterling përfundon në vitin 2023, dhe City duhet të veprojë shpejt, përndryshe mund ta humbasë futbollistin gjatë verës së këtij viti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Jahjaga po bën më shumë përpjekje për shëndetësinë sesa Qeveria Kurti, thotë Haxhiu
