![](https://albanianpost.com/wp-content/uploads/2024/05/441153530_745256121142498_9101121101263916221_n.jpg)
Ministrja e Ekonomisë, Artane Rizvanolli, pas renovimit në ndërtesat e Psikatrisë së Fëmijëve dhe Psikiatrisë Intensive, do të kursej rreth 50 për qind të energjisë.
Rizvanolli, përmes një shkrimi në rrjetin social ‘Facebook’ ka thënë se tashmë klinikat s’do të ofrojnë vetëm shërbime ambulatore.
“Është mundësuar edhe hospitalizimi, kurse, korridoret që kanë qenë të mbuluara e të pashfrytëzueshme, janë renovuar e u ofrojnë stafit e pacientëve qasje më të lehtë në të gjitha hapësirat e klinikës”.
Teksa, ka theksuar se në këto spitale janë bërë investime mbi 270 mijë euro.
“Renovimin e mbështjellësit, ndërrimin e dritareve dhe dyerve nga PVC në dritare alumini, renovimin dhe izolimin e kulmit, renovimin e ndriçimit si dhe renovimin e sistemit të ngrohjes”.
“Përmes tyre, në të dy ndërtesat do të kursehet energjia për 50%, që do të thotë kursim prej 8,627 euro në vit në faturat e energjisë”.
Në muajin mars është bërë e ditur se kanë përfunduar renovimet edhe në Klinikën e Gjinekologjisë, për të cilën ishte thënë se do të ketë maksimumi nga dy shtretër në një dhomë.
Më 3 nëntor të 2023-ës, Qeveria e Kosovës, kishte pranuar financim nga Banka Botërore për koston e Projektit të Emergjencës së Kosovës, COVID-19 përmes së cilës synonte renovimin në klinikën e Gjinekologjisë dhe Urologjisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com