Ministri i Mbrojtjes, Niko Peleshi, ka treguar se kushtet atmosferike me erë të fortë po vështirësojnë punën e forcave operacioneve në terren në përballje me zjarret.
“Problematike është situata në fshatin Dushkarak në bashkinë Selenicë, ku po ndërhyn nga ajri helikopteri i Forcës Ajrore”, ka ravijëzuar ai.
Sakaq, ministri Peleshi u drejton thirrje banorëve që janë pranë vatrave të zjarrit të evakuohen në rast se kjo u kërkohet nga autoritetet.
Nga toka dhe nga ajri po punohet edhe në fshatin Mal Bardhë, në Kurbin, sipas ministrit.
“Efektivë të FA-së janë angazhuar për shuarjen e flakëve në fshatin Vilzë e Bërdicë të Shkodrës, apo edhe në Lam i madh, Bashkia Mat”, ka thënë ai.
Më herët një banesë është shkrumbuar në Bërdicë të Shkodrës, si pasojë e flakëve.
Po ashtu, disa vatra janë raportuar edhe në Mat, ku forcat zjarrfikëse dhe ato të Ushtrisë e kanë të vështirë t’i vendosin fre flakëve.
Për shkak të erërave të shumta në zonë dhe temperaturave tepër të larta, zjarret po favorizohen dhe ndërhyrja bëhet edhe më e vështirë, përpos terrenit jo të përshtatshëm.
Aktualisht, në Mat, janë organizuar 47 forca, nga të cilët 20 janë pjesë e Ushtrisë shqiptare.
Më shumë resurse njerëzore pritet të mbërrijnë në zonë, teksa edhe vetë banorët janë angazhuar në mbrojtjen e territorit.
Bërdica mbetet ende lagjja më e rrezikuar, për shkak se banesat ndodhen shumë pranë me zjarret.
Një vatër, disi më sporadike, është shfaqur edhe në Velipojë dhe po punohen për neutralizimin e saj.
Lajmi i vetëm i mirë deri tani, është se viktima apo të lënduar në njerëz nuk raportohen.
Puna intensive ndërkaq, vijon prej orësh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
KPA shtyn shpalljen e vendimit për ankimimin e Komisionerit Publik ndaj Alfred Ballës
-
Ranucci tregon pse nuk u transmetua pjesa e dytë e ‘Report’ për Shqipërinë
-
Celibashi i bën thirrje Kuvendit të vendosë për votën e diasporës
-
Salianji akuzon SHISH-in se po përdoret, thotë se ka kthyer përgjigje “për t’u tallur” në Komisionin e TIMS
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
I vunë tritol në banesë, KLGJ i cakton 6 muaj mbrojtje gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës