Renault shet aksionet në Avtovaz për një shumë simbolike

Prodhuesi francez i makinave, Renault, do të largohet nga Rusia dhe do të shesë pjesën më të madhe të aksioneve te Avtovaz, prodhuesi i markës veterane Lada.

Renault nuk i ka zbuluar detajet financiare të shitjes, që përfshin transferimin e të gjithë aksioneve të saj në operacionet Renault Russia në qytetin e Moskës.

Po ashtu edhe 67.69 për qind të zotërimit të saj në Avtovaz tek NAMI, një institut i kërkimit të makinave të mbështetur nga shteti.

Sipas një burimi, shitja është vulosur për një rubla për aksion. Çka është një vlerë simbolike.

Grupi kishte thënë se do të merrte një tarifë të lidhur me Rusinë që mund të arrinte në 2.2 miliardë euro, vlera e aseteve të atjeshme që nga dhjetori 2021, kur pezulloi operacionet në mars.

Renault rezultonte si kompania më e ekspozuar nga gjithë të tjerat me vend prodhimi në Rusi.

Atje, kompania punësoi 45 mijë njerëz, shumica e tyre në fabrikën e madhe të Avtovaz në brigjet e lumit Vollga, një mijë kilometra në lindje të Moskës.

Fabrikat kishin luftuar për të funksionuar që nga pushtimi rus i Ukrainës në fund të shkurtit, pjesërisht për shkak të mungesës së komponentëve elektronikë dhe problemeve të tjera të zinxhirit të furnizimit.

Sfidat i shtuan vështirësitë për të pasi shqyrtoi opsionet e daljes nga tregu pas tërheqjes së shumë kompanive të tjera.

Marrë nga “Financial Times”, përshtatur për “Albanian Post”.,

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.