Futbollisti i Celta Vigo-s, Gabri Veiga, ishte një nga më të kërkuarit para fillimit të afatit kalimtar veror.
Mirëpo duket se Real Madrid-i do të jetë destinacioni i talentit 20-vjeçar.
Siç raportohet nga mediat spanjolle, madrilenët e kanë mposhtur konkurrencën e disa klubeve (përfshirë Manchester United-in dhe Tottenham-in) për ta transferuar mesfushorin ofensivë.
Skuadra “mbretërore” do të paguajë rreth 40 milionë euro për shërbimet e Veiga-s, derisa raportohet se ai do të nënshkruajë me ta kontratë katërvjeçare.
Megjithatë, thuhet se ai do të mbetet në huazim te Celta edhe në sezonin tjetër, derisa karrierën në “Santiago Bernabeu” do ta vijojë në sezonin 2024/25.
Veiga këtë sezon është promovuar në ekipin e parë të Celta Vigo-s dhe ka shkëlqyer me paraqitjet e tij, ku ka shënuar nëntë gola dhe ka dhuruar katër asistime në 28 ndeshje në La Liga.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
