Real Madrid ka arritur marrëveshje me fantazistin e shumëkërkuar brazilian, Endrick.
Futbollisti 15-vjeçar është një ndër emrat më të përmendur për të ardhmen, dhe duket se shërbimet e tij do t’i sigurojë Real Madrid.
Gazeta shumë e afërt me klubin spanjoll, Marca, e ka raportuar këtë gjë.
Duke e parë interesin në drejtim të Endrick që po ritet dita ditës, Real Madrid-i rriti shpejtësinë dhe veproi shpejtë.
Juni Calafat, skauti i Real Madrid-it për futbollin jugamerikan, i ka dërguar presidentit Perez një mesazh ku thuhej që “Endrick është gjëja tjetër e madhe”.
Në Brazil, sa herë që ai luan, mijëra tifozë mblidhen për të shikuar atë që cilësohet si “festë futbolli”.
Ai është vetëm 15-vjeç, por tani është në interesin e të gjithë botës.
Dhe, tifozllëku që ka për skuadrën e Real Madrid-it, me fanellën e të cilëve ka postuar edhe video në TikTok, e ka bërë shumë të lehtë transferimin e tij në Madrid.
Për shërbimet e fantazistit brazilian, Real Madrid do të paguajë një shifër paraprake prej 20 ose 25 milionë eurosh.
Kurse, me përfshirjen e bonuseve kjo shifër pritet të arrijë deri në 50 milionë.
Madrilenët kanë marrëdhënie shumë të mirë me agjentit i tij, që poashtu është edhe agjent i yllit brazilian të mbretërorëve, Vinicius Jr.
Endrick do të nënshkruajë me Real Madrid-in në muajin korrik, kur do t’i mbush 16 vjet.
Në Madrid, shpresojnë që para vitit 2025, Endrick do të jetë pjesë kyçe e skuadrës së parë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Sabreen, vajza e lindur në Gaza pasi nëna e saj ndërroi jetë në një bastisje
-
Gjyqtari qorton avokatin e Trump, por e ndalon vendimin e urdhrit të gjobitjes
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë
