Drejtori i të ashtuquajturës Zyrës për Kosovën në Qeverinë e Serbisë, Petar Petkoviç, ka thënë se Kosova me anë të lëvizjeve të njëanshme duke vendos masat anti-dumping ndaj mallrave nga Serbia, përsëri në mënyrë të drejtpërdrejtë po e minon çdo potencial të bashkëpunimit rajonal, përfshi edhe çdo iniciativë të tillë të mishëruar në idenë e “Ballkanit të Hapur”.
“Është më se i qartë synimi i Prishtinës për të kufizuar qarkullimin e lirë të mallrave dhe shërbimeve për qëllime politike. Duke futur disa masa anti-dumping, Prishtina po përpiqet të shkaktojë paqëndrueshmëri të re dhe të rrisë tensionet në terren”.
Sipas Petkoviçit, masat e ndërmarra nga Kosova janë të drejtuara kundër serbëve dhe Beogradit zyrtar, dhe kjo masë nuk ndryshon në atë aspekt.
“Është e qartë se Prishtina po kërkon një arsye për krizën dhe problemet në terren për çdo gjë”, ka thënë Petkoviç për Tanjug.
Ndërsa, lidhur me letër-kërkesën e Kosovës drejtuar CEFTA-s me 24 shtator, që të mos përfaqësohet më përmes UNMIK-ut, por si Republika e Kosovës, ka reaguar Ministrja serbe e Tregtisë, Turizmit dhe Telekomunikacionit, Tatjana Matiç.
Ajo ka thënë se institucionet e Prishtinës nuk janë në gjendje “të privojnë UNMIK-un nga statusi i tij para CEFTA-s”.
Matiç ka thënë se Serbia ka reaguar përmes zyrtarit të saj në CEFTA.
“Në të njëjtën ditë, personi kompetent në emër të Republikës së Serbisë dërgoi një përgjigje brenda CEFTA-s, përfshirë përfaqësuesit e Komisionit Evropian, se kërkesa është e papranueshme brenda CEFTA-s”.
Ajo ka shprehur mllefin e saj lidhur me anëtarësimin në CEFTA në vitin 2007, duke thënë se “Nga rruga, Kosova u bë anëtare e plotë e CEFTA-s në korrik 2007, por marrëveshja e tregtisë së lirë u nënshkrua në emër të Kosovës nga UNMIK-u, në përputhje me Rezolutën 1244 të Këshillit të Sigurimit”.
Ministrja e Industrisë, Ndërmarrësisë dhe Tregtisë, Rozeta Hajdari, në një konferencë për media të premten e 8 tetorit, ka thënë se vendimi për importin e koncentratit për shpezë dhe kafshë nga Serbia si dhe për blloka është marre në përputhje me Kushtetutën e vendit.
“Për importin e koncentratit për shpezë dhe kafshë nga Serbia dhe për blloka. Të dy vendimet janë marre në përputhje me Kushtetutën, masat anti-damping. Masat anti-damping në importin e bllokave është marrë ndaj importit të bllokave për kompaninë e përmendur në vendim, kurse për koncentratin ndaj kompanive”, ka thënë Hajdari.
Duke deklaruar se, “Sot është dita e 61 nga fillimi i hetimeve. Në caktimin e lartësisë së masave, jemi kujdesur qe prodhuesit vendorë të mos rrisin çmimin për konsumatorët”.
Vendimet në CEFTA merren me konsensus.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kristi Noem, zëvendësja e mundshme e Trump: Kam vrarë qenin tim, e urreva, ishte i padisiplinuar
-
Maqedonci takon homologun hungarez, flasin për sulmin në Veri dhe sigurinë në Ballkan
-
Nga Suedia në Mbretërinë e Bashkuar, një valë arrestimesh zbulon praninë e një rrjeti spiunësh kinezë në Evropë
-
Sadaf Baghbani: Kam 150 fishekë në trup, mendova se askush nuk do të më dojë më