Shqipëria

Raporti i MB-së: Shqipëria, ndër vendet më të lakmuara për t’u vizituar gjatë dimrit


Në periudhën e dimrit, shumë qytetarë nga vendet që janë “të privuara” nga rrezet e diellit zgjedhin të largohen drejt atyre me më shumë diell.

Një ndër destinacionet, me kushte më të favorshme atmosferike më të kërkuara në Evropë, gjatë dhjetorit 2021 ka qenë kryeqyteti i Shqipërisë – Tirana.

Në raportin, bërë publik nga Agjencia e udhëtimit “KAYAK” në Mbretërinë e Bashkuar (MB), shihet Shqipëria në krye të listës.

Sipas Agjencisë, në muajin e fundit të vitit të kaluar, u vu re një përqindje shumë e lartë e kërkesave drejt tokës shqiptare.

Kjo rritje u reflektua edhe në çmimet e larta për një udhëtim drejt Aeroportit të Rinasit “Nënë Tereza”, me 33%.

Më poshtë, të renditura pesë destinacionet më të kërkuara evropiane me diell:

“Destinacionet evropiane, më të lakmuara gjatë dimrit”

Nga agjencia shpjegojnë se, duke qenë një vend me më pak diell, banorët e MB-së kërkojnë gjithnjë e më tepër pika turistike me diell, kryesisht në Evropë.

“Pas festave të fundvitit dhe një viti tjetër të vështirë, njerëzit janë të etur për t’u arratisur gjatë dimrit. Vihet re një fluks i lartë i tyre që kërkojnë destinacionet evropiane, por edhe çmime të ulëta”, shpjegojnë nga agjencia.

Pas Shqipërisë, Greqia është vendi i dytë më i popullarizuar, ndërsa çmimet e fluturimeve janë ulur rreth 15% me tarifa mesatare rreth 85 paund.

Roma ka fluturimet më të lira, me çmime mesatare rreth 52 paund, sipas kërkimeve në internet.

Dielli “kushton” më shumë në Nice, Francë, ku çmimet mesatare të fluturimeve variojnë deri në 109 paund.

Marrë nga “Wales Online”, përshtatur për Albanian Post!

/Albanianpost.com


Lajmet kryesore