“Ne mbështetemi te bashkëpunimi me njerëzit që kanë zemër të pasur dhe jo shtetet”, ka thënë kryeministri i Shqipërisë, Edi Rama, në një lidhje direkte me gazetarin e rrjetit televiziv britanik “BBC”, Ben Boulos, të martën e 31 gushtit.
Në fokus të intervistës së tij ka qenë strehimi i afganëve në Shqipëri.
Numri një i qeverisë shqiptare ka bërë me dije se, për sa i përket situatës momentale, vendet e pasura nuk kanë qenë në mbështetje të qeverisë.
Ai ka theksuar se Shqipëria ka pasur ndihmë nga organizatat e ndryshme jofitimprurëse.
“Shqipëria nuk është vend i pasur, por se ka mjaftueshëm për të ndarë me ta”, tha ai.
Po ashtu, kryeministri tha se “ne jemi ftuar që t’i mirëpresim afganët përkohësisht, por e dimë që situata është e komplikuar”.
Ai ripërsëriti faktin se afganët mund të qëndrojnë për sa kohë të duan.
Gazetari Ben Boulos pati gjithashtu një lidhje direkte me studenten afgane të gazetarisë, Nikhbath, e cila është vendosur në Shqipëri.
Ajo ka falënderuar popullin shqiptar, kryeministrin, ministren e Jashtme si dhe ambasadoren amerikane në Shqipëri, për mirësinë e treguar.
Shqipëria ka rënë dakord të pranojë refugjatë për të kaluar transit në SHBA, ku deri më tani po strehohen mbi 600 qytetarë afganë.
Të angazhuar janë edhe fondacione të shumta humanitare, për sjelljen e sigurt të afganëve në Shqipëri.
Pikërisht nga këtu, çdo procedurë e mëpasshme do të kryhet për të vijuar procesin me lejet e qëndrimet amerikane, të cilat do t’u bëjnë atyre të mundur, stabilizimin përfundimtar në SHBA.
Ndërsa, Qeveria shqiptare, mbetet e palëkundur në qëndrimin e saj për t’i strehuar këta shtetas.
E ka theksuar këtë gjë si kryeministri Edi Rama, ashtu edhe ministrja për Evropën dhe Punët e Jashtme, Olta Xhaçka.
Strukturat akomoduese janë gati dhe të pajisura me çdo mjet të nevojshëm.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zbatimi i hartës së re gjyqësore, Manja pret në zyrë kryeprokurorin Çela dhe Llagamin
-
Olsi Rama hedh poshtë akuzat e Bardhit për lidhjet me drogën: Vijnë nga një i paburrë
-
GJKKO i caktoi arrest në burg, Qato: Kam zbatuar ligjin, i keqardhur që SPAK ka rënë pre e presionit politik
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë