Shqipëria

Rama: Shengeni Rajonal, vizion i përqafuar nga BE-ja


Komisioneri Evropian për Zgjerim, Oliver Varhely, të mërkurën e 5 majit, nga Aeroporti Ndërkombëtar i Tiranës “Nënë Tereza”, ka mbajtur një konferencë për shtyp, në prezencën edhe të kryeministrit Edi Rama.

Gjatë fjalës së tij, Varhely ka folur për çështjen e “non-paper”-it, duke i cilësuar këto harta si “jo të vërteta”.

“Jemi mjaft të bindur se këto ‘non-paper’ nuk janë të vërteta. Po të ishin të vërteta, atëherë do të ishim të shqetësuar, sepse ripërcaktimi i kufijve të Ballkanit Perëndimor, e dimë të gjithë se ku na çon”, deklaroi ai.

Ndërsa Rama, rreth kësaj çështjeje, është shprehur se mandati i tretë do të jetë “shumë i fokusuar” në uljen e prodhimit të historisë dhe në përmirësimin e marrëdhënieve ekonomike.

“Shengeni Rajonal është një vizion e projekt i përqafuar plotësisht nga Bashkimi Evropian (BE), i mbështetur nga Komisioni Evropian (KE). Komisioneri është kontributor konkret i kësaj me planin e investimeve”, tha ai.

Sipas Varhely-t, asnjë person nuk do ta vinte diçka të tillë në tryezë, për të diskutuar mbi të. Gjithashtu, ai mbajti një qëndrim ndaj kësaj çështjeje, duke u shprehur se “nuk jemi dakord me asnjë pjesë të saj. Kështu që nuk mendoj që janë ide të vërteta dhe reale”.

Në vijim hodhi akuza se “ky dokument u shërben më shumë disa synimeve të tjera”.

Çfarë është “non-paper”?

“Non-paper” është dokument joformal, pa theksim të qartë, i cili ekspozohet në negociata të mbyllura brenda.

“Non-paper”-s thoshte se zgjidhja përfundimtare e problemeve në Ballkanin Perëndimor është ri-dizajnimi i kufijve ballkanikë, ku, përveç të tjerash, Kosova bashkohej me Shqipërinë.

Ndërsa Serbia me një pjesë të madhe të territorit të Bosnjë-Hercegovinë dhe Lugina e Preshevës e Veriu i Kosovës rregulloheshin me një status special.

Rama: Komisioni Evropian u rikthye në motorin e solidaritetit

Kryeministri i Shqipërisë, Edi Rama, e ka cilësuar KE-në si motor të solidarizimit.

“Komisioni Evropian u rikthye sot në motor të solidaritetit jo vetëm për planet e rimëkëmbjes, por edhe për vaksinimin e vendeve evropiane”, u shpreh ai.

Gjithashtu njofton se, përmes Fondit të Solidaritetit Evropian, “që janë afro 1 milion euro”, Komisioni ka aprovuar paketën e asistencës makro-financiare, në mbështetje të Ballkanit Perëndimor.

Loti i parë do të jetë një fond prej 90 milionë eurosh.

“Ndërsa shuma totale prej 2.2 miliardë euro nga BE-ja do të kontribuojë edhe për lëvrimin e vaksinave për rajonin”, tha Rama.

Zgjedhjet parlamentare

Gjithashtu komisioneri reagoi dhe për rezultatin e zgjedhjeve.

“Mendoj se pas fushatës së zjarrtë, rezultat janë të qarta. Duam të shikojmë të gjitha parregullsitë dhe të ndiqen nga autoriteti gjyqësor”, tha ai.

Gjithashtu ka bërë thirrje që Kuvendi të fillojë nga puna “shumë shpejt”, sapo të merret vendimi nga Gjyqësori. Ai u shpreh se “pa Kuvendin e plotë, nuk ecet në BE”.

Po ashtu kryeministri Rama sërish i ka “shtrirë dorën” Partisë Demokratike për bashkëpunim.

/Albanianpost.com

Lajmet kryesore