Kryeministri i Shqipërisë, Edi Rama, në një dalje televizive ka reaguar mbi arrestimin e ish-ministrit të Mjedisit, Lefter Koka, pas akuzave për tenderime korruptive nga Prokuroria e Posaçme kundër Krimit të Organizuar dhe Korrupsionit SPAK.

Për Ramën, përgjegjësia është individuale dhe gjithsecilit nga vendimmarrësit iu është dhënë pozicioni dhe ky i fundit mbahet me punë dhe rezultate.

Kryeministri ka përsëritur më këmbëngulje se në momentin kur drejtësia kërkon hesap i akuzuari të marrë avokat, sepse Partia Socialist nuk është zyrë avokatie.

Për më tepër ai ka shtuar se, kush thirret në ballafaqim nuk ka më punë më PS-në.

Kjo çështje i takon tashme drejtësisë.

Numri një i Qeverisë ka theksuar se sjellja e gabuar korruptive apo kriminale nuk ka lidhje me faktin që projekti për ndërtimin e impianteve ka shpëtuar disa qytete.

Ai përmendi këtu Elbasanin, Tiranën dhe hapjen e rrugës së shpëtimit për Fierin.

“Këto qytete që ishin gangrena, edhe Tirana ka filluar. Projekti i Tiranës është projekt, ka filluar përpunimi dhe grumbullimi. Të gjitha këto janë asete që janë aty. Janë vepra që janë aty. Kush ka bërë zullum e ka bërë individual, edhe individualisht duhet të përgjigjet”, u shpreh Rama.

Gjykata e Posaçme kundër Korrupsionit Krimit të Organizuar (GJKKO), mesditën e 16 dhjetorit, ka vendosur masën e sigurisë “Arrest me burg”, ndaj Lefter Kokës.

Më herët, mesditën e 14 dhjetorit, SPAK-u lëshoi urdhër-arrestin për të.

Arrestimi ka ardhur pasi u kallëzua penalisht nga Lëvizja Socialiste për Integrim për çështjen e inceratorëve.

Por, përveç Kokës, janë shoqëruar edhe disa persona të tjerë, të cilëve në vijim pritet që t’iu komunikohet edhe akuza.

Akuza e LSI-së lidhet me pretendimet për shkelje në ndërtimin e inceneratorit të Fierit.

Gjashtë ishin arsyet e aktit të ndërmarrë nga LSI-ja.