Rama i kujton hipokrizinë mbi korrupsionin kryeparlamentares së BE-së: “Karma është bushtër”

Kryeministri shqiptar Edi Rama i tha Presidentes së Parlamentit Evropian Roberta Metsola të enjten se “Karma është një bushtër” – duke iu referuar skandalit të madh të korrupsionit që ka tronditur institucionin javët e fundit.

Lajmi u bë i ditur gjatë një paneli të organizuar nga kompania mediatike “Politico” për komunitetin politik evropian në Davos.

Rama gjendej krah kryeparlamentares Roberta Metsola dhe presidentit serb Aleksandër Vuçiç.

Duke lënë të kuptohet hipokrizinë mbi korrupsionin nga vendet tashmë në klub – dhe vetë Parlamenti Europian – Rama sugjeroi që BE-ja tani kërkon standarde më të larta nga anëtarët e mundshëm (si Shqipëria) sesa anëtarët e saj.

“Më shumë se gjysma e vendeve të BE-së nuk do të mund të hynin më në BE”, tha Rama duke folur në një panel në Forumin Ekonomik Botëror në Davos të Zvicrës. “Nuk po flas për ish-komunistët. Po flas edhe për themeluesit, më besoni”.

Parlamenti ka qenë në qendër të një hetimi të gjerë nëse qeveritë e huaja, përfshirë Katarin dhe Marokun, kanë ndikuar ilegalisht në punën e tij.

Hetimi ka futur në kurth një ish-nënkryetar të Parlamentit, një ish-deputet, një asistent parlamentar dhe një shef të OJQ-ve dhe ka hedhur një dritë të ashpër mbi procedurat e institucionit për t’u marrë me konfliktet e mundshme të interesit.

Rama pretendoi se procesi i anëtarësimit për vendet kandidate është i ndryshëm nga vende si Malta, vendi i origjinës së Metsola-s, u bënë anëtarë të bllokut, duke thënë se ai është bërë “tepër neurotik dhe një gjë e padrejtë”.

Metsola theksoi se Parlamenti “ka qenë gjithmonë jashtëzakonisht pozitiv kur ishte fjala për zgjerimin e BE-së, sepse shumë prej nesh e mbajnë mend kohën kur u anëtarësuam”.

Por ndërsa Rama tha se vendi i tij po mësonte nga BE-ja se si të ndërtonte institucione demokratike, ai ende kishte një ndjenjë që BE-ja po merrte rezultatin e saj kur shpërtheu skandali.

“Roberta, më fal, duhet ta them, kur doli ky rast korrupsioni. Unë thashë: Karma është një bushtër”, theksoi kreu i qeverisë.

Më parë këtë muaj, Metsola njoftoi 14 reforma të propozuara në sistem për të forcuar rregullat e transparencës për eurodeputetët pas skandalit të korrupsionit.

Qatargate: Prokuroria belge kundërshton lirimin e Eva Kaili-t

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.