Kryeministri i Shqipërisë, Edi Rama, në një konferencë për media, menjëherë pas mbylljes së qendrave të votimit dhe publikimit të EXIT POLL-it të Albanian Post, u ka bërë thirrje të gjithë qytetarëve për të qendruar vigjilentë.
“Hamendjet, sondazhet, pavarësisht se na japin forcë, u përkasin thjesht parashikimeve para ndeshjeve”, pohoi Rama.
Procesi i numërimit të votave, sipas kryeministrit, duhet të vijojë me të njëjtën ritëm siç u mbajtën dhe votimet.
“Ju lutem shumë të gjithëve, përqendrohuni në detyrën tuaj. Falënderim nga zemra për gjithë patronazhistët në gjithë territorin dhe ata e ato e dinë më mirë se gjithë të tjerët kush ka votuar dhe kush s’ka votuar”.
“Tani patronazhistët ta ndjekin nga shtëpia procesin”, shtoi Rama, duke theksuar se, “nesër përsëri Shqipëria do buzëqeshë”.
“Ne nuk duam thjesht rezultatin dhe konfirmimin si forcë qeverisëse, por siç ishte një ditë kaq e bukur, kaq qytetare falë sjelljes qytetare, të jetë dhe i gjithë procesi”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
