Rama falënderon Macron dhe Scholz për zgjidhjen e një ‘konflikti absurd’ mes Kosovës dhe Serbisë

“Nuk mund të falënderoj sa duhet Emmanuel Macron dhe Olaf Scholz, për atë çfarë kanë bërë në finalizimin e një procei normalizimi mes Kosovës dhe Serbisë”.

Me këto fjalë e ka gjetur kryeministri shqiptar, Edi Rama, formën për të shprehur mirënjohjen e dy liderëve të lartë evropianë, sa i takon atij çfarë ai e etiketoi si “një konflikt absurd ms dy vendeve ballkanike”.

I can't thank @EmmanuelMacron and @Bundeskanzler enough for what they are doing to finalize the Kosovo-Serbia normalization process! Watching them sit so respectfully with both sides in an effort to solve an absurd conflict says it all about their great European spirit.Thank you! pic.twitter.com/4TJ0QSv5DM

— Edi Rama (@ediramaal) June 1, 2023

Për kreun e Qeverisë shqiptare, ky është një tregues i shpirtit të lartë evropian, teksa vlerësoi edhe angazhimin e Presidentes së Kosovës, Vjosa Osmani, për t’u ulur në tryezë me homologun e saj serb, Aleksandar Vuçiç.

Bashkëngjitur me publikimin, Rama ka theksuar edhe angazhimin që të dy vendet duhet të kenë tashmë, për të zbatuar disa kërkesa nga palët evropiane për qetësimin e situatës, duke përforcuar faktin se të dy vendet duhet të dalin nga ky “konflikt absurd”, i cili më së shumti po dëmton reputacionin e Kosovës dhe integrimin e kësaj të fundit në komunitetin demokratik.

Një falënderim të madh, Rama e çoi edhe për shefin e politikës së jashtme evropiane, Josep Borrell, i cili me pasion dhe durim, sipas kryeministrit, arriti më në fund të konkretizonte këtë zhvillim historik.

Sa i takon planit për de-përshkallëzimin e situatës në veri, Albanian Post ka publikuar ekskluzivisht tetë pikat e tija, të kërkuara nga vendet e QUINT-it dhe Bashkimi Evropian, ku në sy bien zhvillimi i zgjedhjeve të reja në katër komunat me shumicë serbe, si edhe tërheqja e Forcave Speciale të Kosovës nga veriu.

EKSKLUZIVE/ 8 pikat ndërkombëtare për de-përshkallëzimin e situatës në veri

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.