Kryeministri i Shqipërisë, Edi Rama ka dënuar fuqishëm sulmin terrorist të Hamas-it kundër Izraelit, duke cituar statusin e tij në median sociale “X”.
“Ne qëndrojmë të vendosur kundër terrorizmit. Mendimet tona janë me viktimat, familjet e tyre dhe gjithë Izraelin”, thekson kreu i Qeverisë shqiptare duke iu adresuar homologut izraelit Benjamin Netanyahu.
I strongly condemn the terrorist attack by Hamas against Israel. We stand firm against terrorism. Our thoughts are with the victims, their families and all of Israel.@netanyahu pic.twitter.com/1aWZTulmfm
— Edi Rama (@ediramaal) October 7, 2023
Presidenti i Republikës, Bajram Begaj, dënoi më herët ashpërsisht sulmet e militantëve të Hamasit në Izrael, ku një inkursion i organizuar mori jetë mëngjesin e 7 tetorit.
Në një shkrim në median sociale X, njohur më parë si Twitter, Begaj shkruan se Shqipëria i qëndron përkrah Izraelit në këtë kohë të vështirë dhe se lutjet shkojnë për viktimat dhe familjarët e tyre.
Po ashtu, kreu i shtetit nënvizon se Shqipëria qëndron e vendosur kundër çdo akti terrorizmi.
Nga ana tjetër, ministri për Evropën dhe Punët e Jashtme, Igli Hasani, ka dënuar ashpër në emër të Shqipërisë sulmin e përgjakshëm të militantëve të Hamasit ndaj Izraelit, ku mijëra raketa janë lëshuar në zonat jugore, një numër i pacaktuar personazh kanë mbetur të vrarë dhe 35 shtetas izraelitë janë raportuar të marrë peng.
“Shqipëria dënon ashpër sulmin e mëngjesit të sotëm nga Hamasi kundër Izraelit. Ne qëndrojmë të vendosur kundër terrorizmit. Mendimet tona janë me viktimat, familjet e tyre dhe gjithë Izraelin”, shkruan kryediplomati shqiptar.
Nga ana tjetër, prej MEPJ-së është bërë me dije se nuk ka asnjë shtetas shqiptar të lënduar nga ngjarjet.
Në bazë të njoftimit nga MEPJ-ja, situata po monitorohet imtësisht dhe për këto që ka nevojë për ndihmë, është ofruar edhe një numër telefoni me udhëzimet përkatëse.
“Të gjithë qytetarët shqiptarë në Izrael, të ndjekin udhëzimet e autoriteteve lokale dhe të kontaktojnë për çdo rast me Ambasadën Shqiptare në Izrael në numrin e kontaktit +972 54-4806601”, thuhet në njoftimin për media.
Izraeli nis operacionin “Iron Swords”, pas inkursionit ushtarak të Hamasit
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Rafahu nuk është Stalingradi i Gazës – është një tjetër manipulim nga Netanyahu
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE