Zëvendësministrja e Shëndetësisë, Mira Rakacolli, deklaroi më 18 shkurt se, gjatë ndërtimit të spitalit të Fierit, mallrat, materialet dhe pajisjet e importuara nga Turqia do të përjashtohen nga detyrimet doganore dhe taksat e tjera.
“Spitali i ri i Fierit është një investim tepër i rëndësishëm në fushën e shëndetësisë. Ai do të ofrojë shërbim spitalor të kualifikuar dhe një teknologji të lartë mjekësore për të gjithë rajonin e jugut”.
Komisioni për Punën, Çështjet Sociale dhe Shëndetësinë miratoi ligjin për ratifikimin e marrëveshjes ndërmjet qeverisë shqiptare dhe qeverisë turke. Ky ligj ka të bëjë me ndihmën që qeveria turke do t’i japë Shqipërisë në fushën e shëndetësisë.
Gjithashtu, Rakacolli theksoi faktin se spitali do të pajiset me pajisje mjekësore, vaksina, bioteknologji, sisteme dhe me teknologjitë e informacionit shëndetësor.
Marrëveshja mes palëve u arrit gjatë konferencës së përbashkët të kryeministrit të Shqipërisë, Edi Rama, me presidentin e Turqisë, Recep Tayyip Erdogan, në fillim të muajit janar 2021.
Erdogan i premtoi kryeministrit shqiptar se ndërtimi i spitalit do të jetë gati para zgjedhjeve parlamentare të Shqipërisë, të cilat do të zhvillohen më 25 prill.
Marrëveshja u nënshkrua nga ministrja e Shëndetësisë dhe Mbrojtjes Sociale, Ogerta Manastirliu, dhe homologu i saj Dr.Fahrettin Koca.
Për më tepër, në këtë marrëveshje përfshihet trajtimi falas në Turqi i 100 pacientëve në vit nga Shqipëria.
Shqipëria dhe Turqia do të bashkëpunojnë për emergjenca, fatkeqësi natyrore dhe do të zhvillojnë projekte të përbashkëta në shëndetësi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Policia ngre alarmin për disa “mesazhe mashtruese” që vjedhin llogaritë e mediave sociale
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Gonzato thotë se korrupsioni mbetet ndër tre shqetësimet themelore për rininë shqiptare
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Amerika e mban Ukrainën duke luftuar me duart e lidhura
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel