Java e 21-të në superligën e Kosovës përfundoi me dominim total të Vëllaznimit ndaj Pejës dhe një fitore minimale të Rahovecit ndaj Golden Eagle Yllit.
Derbi mes Rahovecit dhe Golden Eagle Yllit ishte i barabartë gjatë gjithë lojës deri në minutat e fundit ku Rahoveci morri një epërsi dhe fitoi lojën me rezultat 72:67.
Pjesa e parë u mbyll me rezultat të barabartë, po ashtu edhe çereku i tretë u mbyll me diferenc prej vetëm tre pikëve ku prinin therandasit, por kjo epërsi minimale e Yllit u përmbys në çerekun e katërt ku Rahoveci arritën fitoren me diferencë prej vetëm pesë pikëve.
Më të mirët në skuadrën e Golden Eagle Yllit ishin Erjon Kastrati me 19 pikë e 6 kërcime, Valon Bunjaku me 18 pikë dhe Demetris Morant i cili dominoi me 12 pikë e 16 kërcime.
Ndërsa vreshtarët kishin pesë lojtar me pikë dyshifrore por më të dalluarit ishin Isaiah Traylor me 16 pikë e 5 asistime dhe Altin Morina me 11 pikë, 9 kërcime e 5 asistime.
Ndeshja mes Vëllaznimit dhe Pejës ishte dominim i kuqezinjëve që nga minutat e para të lojës. Vëllaznimi arritën fitoren me rezultat 82:63.
Vëllaznimi kishin fituar pjesën e parë me diferenc prej 17 pikëve, por nuk u ndalën aty, ata dominuan të gjithë pjesën tjetër të lojës po ashtu.
Te Vëllaznimi pesë basketbollistë ishin me pikë dyshifrore, por më të dalluarit ishin Ty Nichols me 25 pikë, Cendrik Council me 14 pikë e 15 kërcime dhe Rmmanue Omogbo me 14 pikë e 16 kërcime.
Kurse te Peja u dalluan Brandon Walters me 17 pikë e 17 kërcime dhe Laron Dendy me 19 pikë e 8 kërcime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
