Raheem Sterling shkroi historinë në Champions League të enjten mbrëma pasi hyri në lojë gjatë barazimit 0-0 të Arsenal-it me Atalanta-n.
Arsenal-i e nisi këtë sezon 2024-25 në Champions League me një barazim pa gola me fituesin e Europa League të sezonit të kaluar Atalanta-n.
Megjithatë, një lojtar i Arsenal-it bëri histori gjatë ndeshjes pasi Sterling theu një rekord unik.
Teksa hyri në minutën e 73-të si zëvendësues për Bukayo Saka-n, Sterling u bë lojtari i parë që ka luajtur për katër klube të ndryshme angleze në historinë e Champions League-s.
Gjatë gjithë karrierës së tij 12-vjeçare, anësori ka luajtur në garat evropiane për katër klube angleze, Liverpool, Manchester City, Chelsea dhe Arsenal.
Edhe pse legjenda angleze David Beckham është paraqitur në Champions League për katër klube të ndryshme, Manchester United, Real Madrid, Paris Saint-Germain dhe Milan, vetëm njëri prej tyre ishte anglez, që do të thotë se ai nuk përputhet me rekordin e Sterling-ut.
Në fakt, është mesfushori anglez në pension, David Batty, ai që është më afër arritjes së rekordit të ri të Sterling, pasi ai u paraqit në Champions League për Blackburn Rovers, Leeds United dhe Newcastle United gjatë karrierës së tij.
Fatkeqësisht për Sterling, pavarësisht faktit se të tre klubet e tij të mëparshme kanë fituar Champions League-n në dekadën e fundit, asnjëri prej tyre nuk e fitoi atë derisa ai luante atje, që do të thotë se ai pa dyshim do të shpresojë se më në fund mund të fitojë me klubin e ri.
29-vjeçari përfundoi një lëvizje te Arsenal-i në ditën e fundit të afatit kalimtar të verës, duke u bashkuar nga Chelsea në një huazim për një sezon.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
