Largimi i Rafael Leao-s nga Sporting Lisbona nuk u krye sipas rregulloreve të futbollit.
Lojtari u largua vite më parë, pasi tifozët sulmuan lojtarët e ekipit të tyre.
Anësori portugez u largua nga vendlindja, për t’u transferuar te Lille në Francë.
Pas shumë betejash ligjore, më në fund është vendosur se çfarë drejtimi do të merrte kjo çështje.
Gjykata e Arbitazhit Sportiv (CAS), sipas raportimeve të portugezes “A Bola”, ka vendosur që Sporting-u do të marrë 19 milionë euro shpërblim.
Megjithatë, shifra do të ndahet mes Leao-s dhe Lille-s. Pra, secila palë do të paguajë nga 9.5 milionë euro.
Nga ana tjetër, vendimi do t’i hapë rrugë Milan-it dhe sulmuesit për të filluar negociatat për kontratën e re.
Aktualisht, Leao ka dhe dy vite të mbetura në kontratë dhe po punohet për rinovimin e saj, sigurisht me një rritje të ndjeshme të pagës.
23-vjeçari sezonin e fundit në Serie A ishte një nga lojtarët më të spikatur te kuqezinjtë. Ai u aktivizua në 34 ndeshje në kampionat, ku shënoi 11 gola dhe dhuroi 10 asiste.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Politico: Rreziku që vjen me zgjedhjen e Belerit si kandidat për zgjedhjet Evropiane
-
Lufta në Ukrainë: Amerika i jep fshehurazi Kievit raketa me rreze të gjatë veprimi
-
Bislimi e Petkoviç sërish në Bruksel për dinarin