“Racizmi duket gjë normale në La Liga, presidenti nuk kritikon racistët por më sulmon mua” – thotë Vinicius
Ylli i Real Madrid-it, Vinicius Junior ka thënë se “racizmi është normal në La Liga” dhe se “kampionati që dikur i përkiste Ronaldinho-s, Ronaldo-s, Cristiano-s dhe Messi-t, sot i përket racistëve”, pasi u sulmua edhe një herë në baza racore të dielën mbrëma.
Reprezentuesi brazilian u vu në shënjestër nga thirrjet nga pjesë të turmës në “Mestalla” gjatë humbjes 1:0 të Real Madridit ndaj Valencia-s.
Ndeshja u ndërpre në pjesën e dytë për 10 minuta pasi 22-vjeçari dukshëm i zemëruar e ftoi arbitrin dhe u drejtua drejt tifozëve që mendonte se e kishin abuzuar me të.
Vinicius u përjashtua më vonë për sjellje të dhunshme në kohën shtesë, pas një grindjeje me sulmuesin e Valencia-s, Hugo Duro-n.
Ai shkroi në Tëitter pas ndeshjes: “Nuk ishte hera e parë, as e dyta, as e treta. Racizmi është normal në La Liga. Në futboll ata mendojnë se është normale, federata po ashtu – dhe kundërshtari e inkurajon atë”.
“Jam shumë i trishtuar. Kampionati që dikur i përkiste Ronaldinho-s, Ronaldo-s, Cristiano Ronaldo-s dhe Lionel Messi-t sot i përket racizmit”, shtoi braziliani.
“Më vjen keq për spanjollët që nuk pajtohen, por sot, në Brazil, Spanja njihet si një vend i racistëve. Dhe për fat të keq, për diçka që ndodh çdo javë, nuk kam asnjë mbrojtje dhe nuk di çfarë të them”, shtoi Vinicius.
Não foi a primeira vez, nem a segunda e nem a terceira. O racismo é o normal na La Liga. A competição acha normal, a Federação também e os adversários incentivam. Lamento muito. O campeonato que já foi de Ronaldinho, Ronaldo, Cristiano e Messi hoje é dos racistas. Uma nação…
— Vini Jr. (@vinijr) May 21, 2023
“Por unë jam i fortë dhe do të shkoj deri në fund kundër racistëve. Edhe nëse është larg nga këtu”, ka thënë ylli i Real Madrid-it.
Reagimi erdhi edhe nga presidenti i La Liga-s, Javier Tebas, i cili e akuzoi Vinicius-in se dy herë nuk u paraqit në takimet e organizuara me ligën në lidhje me ankesat e tij.
Tebas gjithashtu i tha Vinicius “është e nevojshme që të informoheni”, duke shtuar: “Mos lejoni që të manipuloheni”.
Now La Liga chief Javier Tebas turns on Vinicius Jr — attacking the victim of racism again today for “criticising and insulting” the Spanish league and claiming the Real Madrid star didn’t turn up for talks on racism https://t.co/kER8xfCEbe pic.twitter.com/EP8rzUm7aK
— Rob Harris (@RobHarris) May 21, 2023
Këto komente shkaktuan një përgjigje të zemëruar nga anësori i Reali-t, i cili iu përgjigj me anë të një postimi në Tëitter: “Edhe një herë, në vend që të kritikojë racistët, presidenti i La Liga-s shfaqet në rrjetet sociale për të më sulmuar mua”.
“Aq sa flisni dhe bëni sikur nuk lexoni, imazhi i kampionatit tuaj tronditet. Të shfajësosh veten vetëm të bën të barabartë me racistët. Unë dua veprime dhe ndëshkime”, shtoi anësori brazilian.
Mais uma vez, em vez de criticar racistas, o presidente da LaLiga aparece nas redes sociais para me atacar.
Por mais que você fale e finja não ler, a imagem do seu campeonato está abalada. Veja as respostas do seus posts e tenha uma surpresa…
Omitir-se só faz com que você se… https://t.co/RGO9AZ24IA
— Vini Jr. (@vinijr) May 21, 2023
La Liga ka thënë se do të kërkojë të gjitha imazhet e disponueshme në mënyrë që të hetojë se çfarë ndodhi në mbrëmjen e incidentit.
“Nëse identifikohet ndonjë krim i urrejtjes, ne do të ndërmarrim veprimet e duhura ligjore,” tha liga në një deklaratë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com