Qindra njerëz protestuan në Wuhan në Kinën qendrore të dielën e 27 nëntorit, treguan transmetimet e drejtpërdrejta.
Kjo, ndërsa demonstratat kundër politikës së rreptë të Kinës “zero COVID” shpërthyen në të gjithë vendin.
Lajmi u bë i ditur nga agjencia franceze “AFP”.
Pamjet e vendosura nga AFP-ja në një rrugë në qendër të qytetit, ku COVID-19 u shfaq për herë të parë në vitin 2019, treguan njerëz të grumbulluar gjatë mbrëmjes, duke brohoritur dhe duke regjistruar protestën në celularët e tyre.
Protestat shpërthyen në të gjithë Kinën të shtunën, duke përfshirë universitetet dhe në Shangai, ku qindra njerëz brohorisnin “Hiq dorë, Xi Jinping! Hiq dorë Parti Komuniste!” në një shfaqje të paprecedentë sfide kundër politikës së rreptë të vendit.
Një zjarr vdekjeprurës në një bllok apartamentesh në Urumqi, kryeqyteti i rajonit të largët perëndimor të Xinjiang, i cili vrau 10 njerëz dhe plagosi nëntë të enjten, ka vepruar si një katalizator për ndezjen e zemërimit publik, pasi u shfaqën video që dukej se sugjeronin masat e bllokimit që vonuan zjarrfikësit.
Në dhjetëra kampuse universitare, studentët mbajtën tubime ose vendosën postera për viktimat nga zjarri në Xinjiang dhe kundër “zero-COVID”.
Në disa qytete, banorët në lagjet e mbyllura shkatërruan barrierat dhe dolën në rrugë, pas protestave masive kundër bllokimit që përfshinë Urumqi-n të premten mbrëma.
Skena të tilla të përhapura zemërimi dhe kundërshtimi – disa prej të cilave u shtrinë deri të dielën – janë jashtëzakonisht të rralla në Kinë, ku Partia Komuniste në pushtet godet në mënyrë të pamëshirshme të gjitha shprehjet e mospajtimit.
Por tre vjet pas pandemisë, shumë njerëz kanë marrë shtytje nga përdorimi i pandërprerë i bllokimeve, testeve COVID dhe karantinave nga qeveria.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
