Presidenti i Shqipërisë, Ilir Meta, u ka bërë thirrje si qeverisë edhe opozitës që të fillojnë punën sa më parë, në një prononcim për media, të premten e 17 shtatorit.
Duke e cilësuar situatën e demokracisë pas 25 prillit si “gjendje problematike”, ai tha se qeveria duhet të fillojë punën sa më parë. Por, gjithashtu dhe kontrolli i Parlamentit duhet të jetë “i menjëhershëm”.
“Pas 25 prillit janë mundësitë për rivendosjen e plotë të demokracisë dhe parlamentit funksional. Ai duhet të jetë qëllimi ynë kryesor dhe i qytetarëve”, tha Meta.
Ndërsa për opozitën, presidenti i vendit shpreson që “t’i përmbushë detyrat e veta” që parlamenti të jetë funksional.
Po ashtu, ai është treguar i hapur për të mirëpritur kryeministrin e Shqipërisë, Edi Rama, në respekt të kushtetutës.
“I gjithë protagonizmi im s’ka qenë i kërkuar nga Meta, por i imponuar në mbrojtje të demokracisë dhe kushtetutës”, deklaroi ai.
Qeveria ‘Rama 3’ betohet nesër para presidentit
Kryeministri Edi Rama dhe ministrat e kabinetit do të betohen ditën e nesërme para Presidentit të Shqipërisë, Ilir Meta.
Pas një seance maratonë, e cila zgjati 20 orë, qeveria e re “Rama 3” ka marrë votëbesimin e Kuvendit të Shqipërisë në orët e para të 17 shtatorit.
Votimi është përmbyllur me 77 vota pro, 53 kundër dhe vetëm një abstenim.
Në fjalën e tij ndërhyrëse gjatë seancës së 17 shtatorit, kryeministri i Shqipërisë, Edi Rama, u gjend përpara një “bojkoti” unanim të Partisë Demokratike, e cila u largua nga salla e Kuvendit.
Seanca e 16 shtatorit dëshmoi një përballje nga foltorja e Kuvendit mes kryedemokratit Lulzim Basha dhe kryeministrit të Shqipërisë, Edi Rama.
Kryeministri Edi Rama prezantoi programin e tij qeverisës për katër vitet e ardhshme të mandatit.
Lulzim Basha zgjodhi të replikonte, duke sjellë në vëmendje çështje që kanë qenë kryefjala e tij pas zgjedhjeve parlamentare, si “masakra zgjedhore”.
Më herët, Presidenti i Republikës, Ilir Meta, dekretoi më 14 shtator kabinetin e tretë qeverisës të kryeministrit të zgjedhur të Shqipërisë, Edi Rama.
Ky dekretim erdhi pas kërkesës së 12 shtatorit që Meta bëri në SPAK, për të hetuar pastërtinë e figurave të kabinetit.
Dy ditë pas kërkesës, Prokuroria e Posaçme kundër Korrupsionit dhe Krimit të Organizuar, i ktheu përgjigje presidentit, duke shpjeguar se asnjë nga ministrat e “Rama 3” nuk është nën hetim.
Meta dekretoi kështu ministrat e rinj, duke i çuar emrat e tyre në Kuvend, nga ku morën edhe votëbesimin e Parlamentit.
Kabineti i ri i Edi Ramës do të përbëhet nga 15 ministra dhe zëvendëskryeministri. Prej tyre, 12 janë gra dhe vetëm katër burra.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
GJKKO i caktoi arrest në burg, Qato: Kam zbatuar ligjin, i keqardhur që SPAK ka rënë pre e presionit politik
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
Balluku: Nuk ka rritje çmimi të energjisë për furrat e bukës, mbetet 7.5 lekë kw/h
-
Dezinformimi dhe ndërhyrjet e huaja, Çuçi kërkesë Nikollës: Të krijohet një Komision i Posaçëm
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Putini më i fortë se SHBA-të, kur flitet për shkëmbimin e të burgosurve
-
Gjilan: Afaristi u gjet i vdekur në bodrumin e banesës, kishte mbi 80 mijë franga me vete