Qeveria miraton listën e kandidatëve për Bordin e KPMM-së

Qeveria e Kosovës, përmes mbledhjes elektronike ka miratuar listën e kandidatëve të propozuar për tre anëtarë të Bordit të Komisionit të Pavarur për Miniera dhe Minerale.

Lajmin e ka bërë të ditur ekzekutivi përmes një komunikate për media.

“Habib Basholli, Nasuf Mjekiqi, Bahri Karaça, Avdi Mjeku, Hasan Preteni, Kaltrinë Demiri”, thuhet në komunikatën e dërguar nga ekzekutivi për media.

Po ashtu në mbledhje është miratuar edhe kërkesa e Ministrisë së Mjedisit, Planifikimit Hapësinor dhe Infrastrukturës, për rritjen e kufirit të shpenzimeve në shumë prej 10 milionë euro për Projektin  “Rehabilitimi i Linjës 10 Hekurudhore Fushë Kosovë – Han i Elezit”

“Rritja e kufirit të shpenzimeve bëhet për mbulimin e obligimeve të projektit nga Kredia me Bankën Evropiane për Investime dhe nuk ndikon në tejkalimin e kufirit të deficitit sipas rregullës fiskale”.

Më 27 dhjetor, ekzekutivi ka themeluar komisionin ad-hoc për zgjedhjen e kandidatëve për Bordin e Komisionit të Pavarur për Miniera dhe Minerale.

Ndërsa, më 26 tetor, Kuvendi i Kosovës shkarkoi Bordin e Komisionit të Pavarur për Miniera dhe Minerale, me kryesuese Selvete Grajqevci – Pllana dhe anëtarë, Rrezarta Pushkolli, Gani Maliqi dhe Gani Kastrati.Kryeministri i Kosovës Albin Kurti në mbledhjen e Qeverisë tregoi emrat e përbërjes së komisionit.

Më 14 shkurt, Qeveria e Kosovës, në mbledhjen e së mërkurës kishte miratuar tri marrëveshje bashkëpunimi me Malin e Zi në fushën e drejtësisë.

Kryeministri i Kosovës, Albin Kurti, para deputetëve kishte sqaruar se të tri marrëveshjet kanë të bëjnë me fuqizimin e marrëdhënieve me Malin e Zi.

Ndërsa, të njëjtat u prezantuan nga ministrja e Drejtësisë, Albulena Haxhiu.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.