Qeveria e pranon se është “shkelje e integritetit territorial të Kosovës”, njohja e pasaportave ilegale të Serbisë nga Bashkimi Evropian

Në kohën kur Parlamenti Evropian kishte propozuar njohjen e pasaportave ilegale që Serbia i lëshon për serbët e Kosovës, e ku thuhet se “Kosova është pjesë e Serbisë”, Qeveria e Kosovës kishte dalur e shqetësuar me një deklaratë ku pohonte se po të ndodhte kjo atëherë është “shkelje e integritetit territorial të Kosovës”.

Atëherë Qeveria e Kosovës e kishte kritikuar dhe kundërshtuar propozimin për përfshirjen e këtyre pasaportave në liberalizimin e vizave duke e quajtur si “shkelje e integritetit territorial të Kosovës”.

Për më tepër, Qeveria e Kosovës kishte argumentuar se me një vendim të tillë BE-ja do të ndikojë negativisht në procesin e integrimit të serbëve të Kosovës.

Askush s’e ka të qartë propozimin e KE-së për njohjen e pasaportave ilegale serbe

Për Qeverinë e Kosovës problematik ishte edhe fakti se në pasaportat që i lëshon Drejtoria koordinuese e Serbisë në Beograd shkruhen vendbanimet në territorin e Kosovës sikur të jenë në Serbi, që është në kundërshtim me marrëveshjet e arritura në dialog për shuarjen e strukturave paralele të Serbisë.

Por, argumentet e Kosovës nuk ishin marrë parasysh nga institucionet e Bashkimit Evropian, as nga Komisioni Evropian, nga Parlamenti Evropian e as nga Këshilli.

Pas votimit në seancën plenare të Parlamentit Evropian, tashmë edhe Këshilli i BE-së e ka formalizuar vendimin dhe ai pritet të hyjë në fuqi.

Çka janë saktësisht pasaportat që Serbia i lëshon për serbët e Kosovës, të cilat tash po i njeh BE-ja

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.