Kosova

Qeveria e Kosovës shpenzoi 1.4 milionë euro më shumë se sa arkëtoi përgjatë vitit 2022


Qeveria e Kosovës

Agjencia e Statistikave të Kosovës ka publikuar të hyrat dhe shpenzimet e Qeverisë së Kosovës për periudhën 2015-2022.

Në këtë raport, në të cilin janë grumbulluar të dhënat nga Ministria e Financave – Departamenti i Thesarit dhe Trusti i Kursimeve Pensionale të Kosovës, bëhet e ditur se për vitin 2022, Qeveria e Kosovës kishte arkëtuar 2 miliardë e 622.4 milion Euro.

E punuar nga Agjencia e Statistikave të Kosovës

 

Ky buxhet është grumbulluar kryesisht nga tatimet në produkte – 71%. Tatimet rrjedhëse në të ardhura 15%, aktivet dhe detyrimet financiare 4%, ndërsa pjesa e mbetur e të hyrave është shpërndarë në kategori tjera të të hyrave, thuhet në raportin e publikuar nga ASK.

Prej këtyre të hyrave, Qeveria e Kosovës ka shpenzuar më shumë.

Për gjatë 12 muajve kalendarik të vitit 2022, Qeveria e Kosovës kishte shpenzuar 2 miliardë e 623.8 milion Euro.

1.4 milion euro më shumë sesa që arkëtoi.

Pjesën më e madhe e shpenzimeve të Buxhetit që ka bërë Qeveria, ka shkuar në kontribute sociale dhe përfitime – 25%.

Pastaj, kompensimi i punëtorëve 24%, subvencionet 15%, konsumi i ndërmjetëm 14%, ndërsa pjesa e mbetur e shpenzimeve është shpërndarë në kategoritë tjera të shpenzimeve, thuhet në publikimin e ASK-së.

E punuar nga Agjencia e Statistikave të Kosovës

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore