Lajme

Qeveria e Kosovës për gjashtë muaj realizoi 47.6% të planit të punës


Drejtoresha ekzekutive e Lëvizjes FOL, Mexhide Demolli-Nimani.

Sipas raportit të publikuar nga Lëvizja FOL vetëm 47.6 për qind e planit të punës se Qeverisë së Kosovës është realizuar gjatë periudhës janar-qershor të vitit 2022.

Drejtoresha ekzekutive e Lëvizjes FOL, Mexhide Demolli-Nimani, ka sqaruar për secilin dikaster aktivitetet të cilat kanë realizuar.

“Ministria e Ekonomisë për këtë periudhe ka paraparë të realizoj 135 aktivitet mirëpo ka realizuar vetëm 77 prej tyre”. Ministria e Punëve të Brendshme ka paraparë 191 aktivitete prej të cilave ka realizuar vetëm 103”.

Demolli-Nimani, shtoi se nga të gjitha ministritë vetëm nga njëra ministri nuk kanë marrë përgjigje.

“Ministria e Mbrojtjes është ministria e vetme që nuk është përgjigjur në pyetësorin tonë kjo ministri ishte paraparë që të realizoj 14 aktivitete, por nuk e dimë se a janë realizuar pasi nuk janë përgjigjur në pyetësorin tonë”.

Drejtoresha ekzekutive e Lëvizjes FOL, Mexhide Demolli-Nimani.

Ndërsa, ministria e Industrisë, Tregtisë dhe Ndërmarrësisë ka paraparë 103 aktivitete ndërkaq ka realizuar vetëm 63.

Sa i përket, ministrisë e Administrimit, Pushtetit Lokal në kuadër të këtij plani ka paraparë të realizoj 25 aktivitete mirëpo ka realizuar 22.

Ministria e Financave, Punës dhe Transfereve ka paraparë të realizoj gjithsej 126 aktivitete për periudhën janar-qershor mirëpo ka realizuar vetëm 80 prej tyre.

Ministria e Bujqësisë Pylltarisë dhe Zhvillimit Rural, për periudhën janar-qershor ka paraparë 43 aktivitete, ndërsa ka realizuar 33.

Edhe, ministria e Kulturës, Rinisë dhe Sportit, ka paraparë 512 aktivitete prej të cilave ka realizuar 259 prej tyre.

Ministria e Shëndetësisë kishte paraparë 76 aktivitete prej të cilave ka realizuar vetëm 28 aktivitete.

Ndryshe, gjatë muajit tetor të 2021 nga 311 aktivitete të 15 ministrive, ishin realizuar vetëm 17 për qind.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore