Policia e Kamzës, të martën e 2 nëntorit, ka arrestuar dy adoleshentë pasi qarkullonin me armë zjarri me vete, duke shkaktuar shqetësim dhe rrezik për banorët.
Përkatësisht në vijim të operacionit policor të koduar “Adoleshentët”, u arrestuan shtetasit E. K., 18 vjeç dhe M. K., 16 vjeç – të dy banues në Kamzë.
Ky i fundit rezulton person me precedent penal pasi ishte arrestuar dhe herë të tjera për vjedhje, armëmbajtje pa leje dhe dhunë në familje.
Dy adoleshentët kishin qëlluar në ajër, në urën e lumit Çekrez, duke u kthyer në shqetësim dhe rrezik për banorët.
Gjatë operacionit, 16-vjeçari është kapur në flagrancë duke qarkulluar me një armë zjarri pushkë me një krehër me 20 fishekë, së bashku me shtetasin 18-vjeçarin.
Shërbimet e Policisë, pas kontrollit në banesën e këtij të fundit gjetën dhe sekuestruan edhe një armë zjarri pistoletë.
Materialet hetimore i kaluan për veprime të mëtejshme, Prokurorisë së Rrethit Gjyqësor Tiranë, për veprat penale “Armëmbajtja pa leje” dhe “Prishja e qetësisë publike”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Opozita i kërkon Kuvendit anulimin e mbledhjes së Komisionit për Shëndetësinë
-
Rama për “Corriere”: Ndërhyra për të mbrojtur imazhin e vendit tim
-
Mes debatesh miratohet në Këshillin Bashkiak të Roskovecit ndërtimi i Termocentralit në Suk 1
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
