Putin kërcënon dërgesën e armëve shqiptare në Ukrainë

Vladimir Putin ka bërë një kërcënim serioz ndaj Islandës, për shkak të organizimit të disa fluturimeve ku do të transportoheshin ndihma ushtarake drejt Ukrainës nga Reykjavik-u.

Asgjë e habitshme deri këtu, po të mos ishte për faktin se pjesë e këtyre dërgesave, është edhe Shqipëria!

Ndër 13 vendet e përfshira në organizimin e këtyre fluturimeve në bashkëpunim me Qeverinë dhe Ushtrinë e Islandës, gjendet e përfshirë edhe Tirana zyrtare me dërgesat e saj në ndihmë të Kievit.

Lajmi është i konfirmuar nga disa media ndërkombëtare – përfshi ato ukrainase, përcjell Albanian Post.

Russia threatens Iceland for "organizing 13 flights to transport military equipment from Albania, Slovenia, Italy, Croatia and Portugal" to Ukraine.

Russia hopes "that the Icelandic authorities are aware of the level of responsibility."https://t.co/ZBGKYoGbuG

— Euromaidan Press (@EuromaidanPress) April 23, 2022

Në bazë të kërcënimit që ka ardhur nga Moska drejt Islandës, avionët që marrin pjesë në operacione të tilla, do të cilësohen si “shënjestra” nga forcat ruse.

Në tërësi, bëhet fjalë se ka pasur 13 fluturime që prej fundit të shkurtit, me armatime nga Shqipëria, Sllovenia, Italia, Kroacia dhe Portugalia, raporton Albanian Post.

“Tërheqim vëmendje për faktin se Rusia ka të drejtë të cilësojë dërgesat e armatimeve drejt territorit ukrainas, si përfshirje legjitime ushtarake”, shkruhet në njoftimin për shtyp të Ambasadës së Rusisë në Reykjavik.

Njëkohësisht, aty shkruhet se furnizimi i Kievit me armë nuk do të çojë në rezultatin e kërkuar prej Perëndimit.

Mbi këtë fakt kanë shkruar edhe ekspertë të fushës në mediat e tyre sociale, duke shpjeguar intinerarin e rrugëve ajrore, i cili “bën shumë sens”.

Një prej tyre, Tomi Ahonen, thekson se armatimet shqiptare kanë qenë në përdorim për trajnime në SHBA dhe tashmë mund të kenë fluturuar për në Islandë, me vendmbërritje përfundimtare Ukrainën.

If you missed it

YES. Putin is threatening ICELAND (in Green) for helping Albania (in red) send weapons to Ukraine (orange)

WTAF?

No. There is perfectly sane reason. The Albanian weapons were in use in the USA (for training) and now flown from USA via Iceland to Ukraine https://t.co/SFQ7bD1Vy8 pic.twitter.com/85xcEY2PIh

— Tomi T Ahonen Caught Smuggling Delightful Calm (@tomiahonen) April 23, 2022

Mbetet për t’u parë nëse diçka të tillë do ta konfirmojnë edhe organet kompetente në Shqipëri, të cilat janë kontaktuar nga Albanian Post mbi çështjen.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.