Publikohet “Heart attack”, nga Noizy dhe Loredana

Kanë kaluar ditë që kur rep artisti, Noizy, e kishte paralajmëruar projektin më të ri muzikor në bashkëpunim me Loredanën, dhe të njëjtin tashmë e ka publikuar në kanalin e tij zyrtar në platformën ‘YouTube’.

Ky është bashkëpunimi i parë mes reperit nga Shqipëria dhe rep-artistet së njohur edhe jashtë trojeve shqiptare.

Kënga e titulluar “Heart attack”, vjen me ritëm, brenda sferës së hip-hopit dhe është punuar nga producenti Engli Versal.

Për tekstin e këngës janë përkujdesur vetë artistët, Noizy dhe Loredana ndërkohë që projekti është vizuelizuar me një video klip mjaft veror.

Për vetëm nëntë orë “Heart attack” ka grumbulluar afro gjysmë milion shikime në Youtube.

Ndryshe, Noizy, ka qenë aktiv në muzikë gjatë gjithë vitit 2022, ndërsa ka sjellë bashkëpunime të suksesshme me pjesëtarë të grupit të tij, por jo vetëm.

Nuk kanë munguar as solo projektet. “Dhimbje” është video projekti muzikor i publikuar nga Noizy në muajin shkurt të këtij viti, e që deri më tani ka grumbulluar afro 7 milionë klikime në YouTube.

Në anën tjetër, projekti i fundit muzikor i publikuar nga Loredana mbetet kënga “PINKY PROMISES”.

Gjithsesi, Loredana me mbi 3 milionë ndjekës dhe Noizy me afro 2 milionë sosh, mbetën dy nga artistët shqiptar më të ndjekur në rrjetin social të Instagram-it.

https://www.youtube.com/watch?v=qhrdHl1LZH4

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.