PSG: Siguria e përforcuar para qendrës stërvitore dhe shtëpive të Messi-t, Neymar-t dhe Verratti-t (VIDEO)

Pas njoftimit për shtyp, është koha për aksion te skuadra e Paris Saint-Germain.

Siguria është përforcuar përpara “Camp des Loges” – qendrës stërvitore të klubit kryeqytetas dhe para shtëpive së lojtarëve të PSG-së: Neymar, Lionel Messi dhe Marco Verratti.

Në fund të ditës të mërkurën, disa qindra tifozë – shumica ultras – u mblodhën para selisë së Paris Saint-Germain në Boulogne-Billancourt, për të shprehur pakënaqësinë e tyre me rezultatet e klubit.

Disa lojtarë si Verratti, Messi, Neymar dhe trajneri Christophe Galtier janë fyer.

📸 PSG fans in front of Neymar's house pic.twitter.com/wXgIOBNM6M

— ParisienTimes (@parisientimes) May 3, 2023

Disa prej tyre, rreth njëqind persona të veshur me të zeza, gjithashtu u mblodhën të mërkurën rreth orës 20:00 para shtëpisë së Neymar, duke kënduar këngë armiqësore “Neymar largohu”.

Policia ka dalë në vendin e ngjarjes dhe protestuesit u shpërndanë të qetë pak minuta pas mbërritjes së tyre, “pa pasur dëshirë për t’u përplasur me policinë”.

KLIKO KËTU për pamjet e publikuara nga “Le Parisien”.

Pas këtyre ngjarjeve, klubi i PSG-së vendosi të forcojë sigurinë, veçanërisht me praninë e shtuar të rojeve të sigurisë në “Camp des Loges” dhe përballë shtëpive të futbollistëve të lartcekur.

Pas këtyre ngjarjeve, ka reaguar edhe klubi i PSG-së, duke u distancuar nga këto veprime të disa tifozëve.

“Paris Saint-Germain dënon ashpër veprimet e pa tolerueshme dhe fyese të një grupi të vogël individësh, të ndodhura këtë të mërkurë”, ka reaguar klubi në një deklaratë të lëshuar të mërkurën në mbrëmje.

Club press release https://t.co/Bfyb05pF0n

— Paris Saint-Germain (@PSG_English) May 3, 2023

“Sido që të jenë dallimet, asgjë nuk mund të justifikojë akte të tilla. Klubi jep mbështetjen e plotë për lojtarët, drejtuesit e tij dhe për të gjithë ata që shqetësohen nga këto sjellje të turpshme”, vijon njoftimi për shtyp.

Këto ngjarje erdhën tre ditë pas humbjes së Parisit kundër Lorient në “Parc des Princes” me rezultat 3:1, e treta e klubit parisien në katër ndeshjet e fundit të luajtura në shtëpi.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.