Mediat italiane raportojnë se PSG ka kontaktuar me shoqëruesit e Dusan Vlahovic, por Juventus-i është ende duke pritur për ofertën e parë zyrtare nga gjigantët e Ligue 1.
bardhezinjtë janë gati të shesin serbin për 80 milionë euro këtë verë dhe të nënshkruajnë Romelu Lukaku-n nga Chelsea për 40 milionë euro.
Sipas edicionit të shtypur të së dielës të “La Gazzetta dello Sport”, PSG tashmë ka kontaktuar me e Vlahovic-in dhe Juventus-in, por ende nuk ka asnjë ofertë në tryezë për “Zonjën e Vjetër”.
“Tuttosport” konfirmon se Juventus-i është duke pritur për ofertën e parë të PSG-së, por rreziku po i mbaron koha duke qenë se Chelsea dëshiron të shesë Lukaku-n sa më shpejt të jetë e mundur.
🤔#Lukaku, sfida con #Morata e il futuro di #Vlahovic: cosa ha in mente la #Juve https://t.co/G2d1cKlhTd
— Tuttosport (@tuttosport) July 16, 2023
Të dyja gazetat thonë se PSG është opsioni i preferuar i Vlahovic-it nëse ai largohet nga Juventus-i, duke pasur parasysh se Chelsea dhe Tottenham (ekipet e interesuara për të) nuk janë pjesë e Ligës së Kampionëve në sezonin e ardhshëm.
Megjithatë, mbetet për t’u parë nëse PSG do të bëjë një ofertë së shpejti duke qenë se, sipas “Tuttosport”, ata duhet të shesin katër lojtarë përpara se të nënshkruajnë me Vlahovic.
Bardhezinjtë kanë përgatitur gjithashtu një listë të alternativave ndaj Lukaku-t nëse PSG do të bëjë një ofertë të vonuar për Vlahovic.
Jonathan David, Youssef El-Nesyri, Gianluca Scamacca, Noah Okafor dhe Alvaro Morata janë ndër sulmuesit e tjerë në agjendën e klubit nga Torino.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
