Pse nuk ishte Kylie Jenner pjesë e “Met Gala 2021”?

Një mungesë e një figure publike është vënë re në edicionin e sivjetmë të natës më të madhe në botë “Met Gala”. Bëhet fjalë për modelen e famshme amerikane, Kylie Jenner, e cila këtë vit nuk morri pjesë në evenimentin gjigand të modës.

Bukuroshja, nuk ka hezituar të flasë rreth kësaj çështjeje, ndërsa ka bërë të ditur se do të mungojë në eventin e famshëm të modës.

Përmes një postimi në Instagram, ajo është shprehur e pikëlluar që nuk kishte mundësi të parakalonte në tepihun e kuq të “Met Gala-s 2021”.

“Jam e trishtuar që nuk mund të jem aty këtë vit. Mezi pres t’i shikoj të gjitha pamjet”, ka shkruar ajo.

Ndërkaq, një burim i afërt me Kylie, ka treguar se arsyeja që ajo zgjodhi të mos ishte e pranishme në “Met Gala” është se në prioritetet e saj kryeson shtatzënia dhe shëndeti i saj, i cili nuk ka qenë edhe krejtësisht i mirë kohëve të fundit.

“Ajo është tërhequr nga ‘Met Gala’ në minutën e fundit pasi nuk është ndjerë mirë”,

“Kylie ka kaluar një periudhë jo të lehtë gjatë këtyre javëve dhe si përfundim në minutë të fundit zgjodhi të mos jetë pjesë e mbrëmjes gala”, ka thënë burimi për “Page Six”.

Madje, një burim tjetër pranë yllit të Instagram-it, e cila numëron afro 270 milionë ndjekës në këtë rrjet social, tregoi se ndër planet e Kylie ishte që shtatëzëninë e saj ta bënte publike në “Met Gala 2021”, por që gjërat nuk ecën ashtu siç ajo i kishte planifikuar.

Gjithsesi, pasi që ekskluziviteti për “Met Gala” dështoi, ylli “Keeping up with Kardashians”,  ishte përkujdesur që të rejat t’i ndaj me miliona ndjekësit e saj në llogarinë e Instagram, teksa ka publikuar imazhe brenda një video përmbledhëse nga momenti kur testi i shtatzënisë rezultoi pozitiv.

Jenner, 24-vjeçe ka postuar video pranë të dashurit të saj 30-vjeç, Travis Scott dhe vajzës së tyre, Stormi.

“A jeni gati për të shkuar te mjeku i nënës?”, kishte mbishkruar Kylie.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.