Shëndet

Pse djersitemi tepër?


Ilustrim

Të gjithë djersitemi gjatë verës. Është mënyra e ftohjes së trupit kur mbinxehet për shkak të stërvitjes ose ambientit të ngrohtë.

Mund të jetë gjithashtu një efekt anësor i nervozizmit ose frikës. Megjithatë, nëse djersitni shumë kur nuk jeni aktiv ose kur jeni të nxehtë, mund të keni hiperhidrozë ose ka shkaqe të tjera të djersitjes së tepërt.

Djersitja e tepërt ka një sërë shkaqesh, dhe megjithëse nuk ka kurë për hiperhidrozën, marrja e një diagnoze të duhur mund të çojë në trajtime efektive.

Zbuloni se cilët janë shkaqet kryesore të hiperhidrozës, apo djersitjes së tepërt dhe çfarë hapash mund të ndërmerrni për ta trajtuar atë.

Gjatë verës të gjithë djersitemi më shumë. Por, nëse ndjeni se është intensifikuar, pavarësisht nga stina, dijeni se trupi juaj po përpiqet t’ju tregojë diçka.

Djersitja e tepërt

Përveç djersitjes fiziologjike të nevojshme për të ruajtur ekuilibrin termik të organizmit, mund të ndodhë djersitja e tepërt ose e shtuar (hiperhidroza), që për mjekët, përveçse një sëmundje e lindur, mund të jetë “sinjal alarmi” për çrregullime endokrine, përfshirë këtu sëmundjet e tiroides, sëmundjen e diabetit, e deri edhe sëmundjet malinje.

Edhe temperatura e lartë shoqërohet gjithmonë me djersitje, pas marrjes së substancave që e ulin atë. Gjithashtu menopauza e shtatzënia mund të sjellin shtim të djersitjes.

Megjithatë, nuk është vendosur ende një përkufizim standard i djersitjes së shtuar.

Për qëllime praktike çdo sasi e djersitjes që ndërhyn me aktivitetet e jetës së përditshme mund të përkufizohet e të shihet si hiperhidrozë.

Siç është vërejtur në një studim, në disa pacientë prodhimi i djersës mund të jetë i shtuar rreth 40 herë mbi vlerat normale.

Ata paraqiten zakonisht me djersitjen e një ose më shumë pjesëve të trupit, siç janë sqetullat, pëllëmbët e duarve, këmbët ose fytyra.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore