PSD: Kurti i do mediat e mbyllura – kafazi është hapësira që ua ka nda

Partia Social Demokrate e Kosovës përmes një aksioni simbolik ka kritikuar Qeverinë e Kosovës, e cila sipas tyre, “i do mediat e mbyllura”.

“Kurti i do mediat e mbyllura, të kufizuara, të disiplinuara, të varura dhe pa imagjinatë. Jo vetëm pa kritikë, por edhe pa sens për kritikë. T’i këpusim shqisat. Kafazi është hapësira që ua ka nda”, thuhet në reagimin e kësaj partie.

Sipas PSD-së, “sulmi ndaj mediave është me paramendim’ dhe se “caku që pushteti aktual ka vënë merr me vete krejt çka i del përpara, deri në mbërritje”.

“Të paktën këtë e dëshiron. E kësaj nuk i shpëtojnë dot as mediat, siç nuk i shpëtuan as mësimdhënësit, as sindikatat, as tregimi për UÇK-në. E gjithë shoqëria është në shënjestër. Një vetëdije e re po tentohet të mbjellët, dhe kjo përmes falsifikimeve”.

“Pushteti na bëri sinonime, sepse propaganda nuk guxon të ketë hapësira të pambuluara shpjegimi. Ka përgjigje për çdo gjë. Ajo thotë: ata që nuk e duan vendin, na e vodhën, sepse veç një antikombëtar vjedh. Ky moral i hekurt është grusht për këdo që analizon e kritikon”.

Nw reagim thuhet se “në një rend autoritar çështjet teknike janë çdo here edhe politike”.

“Pyetja shtrohet: çka iu duhen mediat? E po, propaganda nuk është vetëm transmetim lajmesh, ajo interpreton ato sipas versionit zyrtar. Dhe me këtë vdes pluraliteti”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.