![](https://albanianpost.com/wp-content/uploads/2024/09/protest.jpg)
Një grumbull relativisht i madh i serbëve të mërkurën po protestojnë para stacionit policor në Mitrovicë të Veriut, duke kërkuar lirimin e katër të rinjve serbë që u arrestuan mesnatën e së martës.
Sipas raportit të Policisë së Kosovës serbët e arrestuar po dyshohen se kanë fyer e sulmuar zyrtarët policorë që ishin në detyrë zyrtare në shëtitoren e qytetit.
Ndërkaq familjarët e të arrestuarve kanë pretenduar se ata janë keqtrajtuar gjatë arrestimit, pretendim që është mohuar nga Policia e Kosovës.
Protestuesit në anën tjetër po fishkëllejnë me filikaqa dhe po mbajnë pankarta në duar me mbishkrime si “Policia e Kurtit”, “Lërini fëmijët të largohen”, “Na ktheni fëmijët”, “A është e shqetësuar BE-ja?”.
Njëri nga avokatët e të arrestuarve, Millosh Deleviç, i ka thënë mediumit serb me seli në Kosovë, Kossev, se deklaratat e Policisë së Kosovë dhe të akuzuarve se si ka nisur ngjarja nuk përputhet.
Në mesin e protestueseve, siç raportohet, është edhe politikani opozitar serb nga Kosova, Aleksandar Arsenijeviç si dhe disa zyrtar të Listës Serbe.
Sipas raportimeve tre prej të arrestuarve kanë qenë në gjendje të dehur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Heshtja e Blerë nga Agim Ademi, ose Kur Gazetarët e Sportit Braktisin të Vërtetën dhe Zgjedhin heshtjen
-
Çanta luksoze ryshfet dhe diploma 10 mijë euro – Dalin detajet e reja nga mbyllja e Kolegjit Wisdom
-
Cilët janë anëtarët e rinj të Komisionit Evropian?
-
Bislimi: S’kishte takim trelateral, Serbia refuzoi