
Një ditë pas protestës së pestë me radhë dhe një ndër më të mëdhatë deri më tani në Beograd, presidenti i Serbisë, Aleksandër Vuçiç, nëpërmjet një postimi në profilin e tij në “Instagram”, shpjegoi pikëpamjen e tij për situatën socio-politike që aktualisht ekziston në Serbi.
Ajo që ua “vrau veshët” vëzhguesve në krejt mesazhin e Vuçiç-it mëngjesin e së dielës është se, përveç faktit që ai nuk komentoi kërkesat e dhjetëra mijëra njerëzve për dorhëheqje, presidenti serb i dërgoi publikut serb pothuajse të njëjtin mesazh sikurse Sllobodan Millosheviçi më shumë se njëzet vjet më parë.
“Dikush nga jashtë nuk po e shkatërron Serbinë për shkak të Vuçiçit, por po e shkatërron Vuçiçin për shkak të Serbisë”, ka thënë presidenti i Serbisë në një video-mesazh të publikuar në llogarinë e tij, ku predikonte “unitet” për shkak të “kohërave të vështira” në të cilat po kalon Serbia.
Pothuajse të njëjtat fjalë i kishte thënë edhe ish-presidenti fashist i Serbisë, Sllobodan Millosheviç, para dorëheqjes nga presidenca jugosllave mes demonstratave të vitit 2000, i cili pastaj edhe u arrestua nga autoritetet federale nën dyshimin për korrupsion, shpërdorim të pushtetit dhe përvetësim.
“Ata nuk po sulmojnë Serbinë për shkak të Millosheviçit, por Millosheviçin për shkak të Serbisë”, pati deklaruar Millosheviç 23 vjet më parë, vetëm disa ditë para rënies së qeverisë së tij. Më vonë ai do të dilte para Gjykatës Ndërkombëtare për krime lufte në Hagë.
Koha do të tregojë nëse është diçka simptomatike që Vuçiç (ish-ministër i informacionit) po e përdorë retorikën nacionaliste të Millosheviçit, të cilën ai e ushqeu pak para se të binte nga pushteti, por ngjashmëritë midis dy regjimeve nuk janë vështirë të dallueshme.
Ndryshe, mijëra njerëz janë mbledhur të shtunën në Beograd nën sloganin “Serbia kundër dhunës”. Protestuesit bënë thirrje për dorëheqjen e zyrtarëve të lartë dhe kufizimin e përmbajtjeve të dhunshme në media, pasi dy raste të vrasjeve masive e tronditën vendin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Bisedë e rëndësishme në mes të Sullivan-it dhe Kurtit” – Hovenier: SHBA-të të shqetësuar me dislokimin e ushtrisë serbe pranë kufirit me Kosovën
-
Provokimi i ambasadës ruse, riposton statusin e Stoltenberg-ut me mbishkrimin “Kosova është Serbi”
-
Kurti kërkon që terroristët të ekstradohen sa më parë në Kosovë: Plani i tyre ishte nisja e luftës
-
Më shumë se 100 mijë njerëz janë larguar nga Nagorno-Karabakh
Lajmet kryesore
-
Shtëpia e Bardhë e shqetësuar me dislokimin e trupave serbe pranë kufirit: Të gatshëm t’ia sigurojmë burimet KFOR-it
-
Suficiti buxhetor i Shqipërisë trefishohet në tetë muajt e parë të 2023-it
-
The Times: Trupat britanike në gatishmëri për të ulur tensionet në mes të Kosovës dhe Serbisë
-
Shtetet e Bashkuara i treguan “kufijtë” Serbisë, përmes të gjitha rrugëve diplomatike