Mes debatit publik për stadiumin e ri të dy skuadrave kryesore të futbollit të Milanos, Inter dhe Milan, të hënën ka dal në skenë një propozim i ri. “San Siro” t’i nënshtrohet rinovimit të plotë dhe jo prishjes, për t’i hapur vendin projektit të “Katedrales”.
“JM Architecture”, një studio e themeluar në vitin 2005 dhe e drejtuar nga Jacopo Mascheroni ka hedhur hipotezën e rinovimit të stadiumit mitik “San Siro” ose siç njihet ndryshe dhe si “Giuseppe Meazza”.
Sipas porjektit të ri, parashikohet një ristrukturim i stadiumit duke i hequr unazën e tretë, strukturën e sipërme dhe kullat përreth.
Do të krijohej një strukturë e re bashkëkohore që do të rrethonte stadiumin, ndërsa një çati e re do të ndërtohej për të kufizuar problemet akustike.
Kapaciteti i stadiumit do të ulej në 58 mijë, në krahasim me aktualin që i kalon 70 mijë vende. Por mund të shkojë edhe deri në 61 mijë ulëse.
Projekti do të plotësohej me parkingje nëntokësore dhe krijimin e një kordoni sigurie.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
MPJD: Jankoviç sapo është liruar dhe ndodhet rrugës për në Kosovë
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Foto e shtypit botëror: Në ato fytyra të padukshme shprehet forca e dhimbjes
-
“Antena M”: Serbia hartoi një plan për pushtimin e veriut të Kosovës – disa shtete mund ta pamundësojnë reagimin e KFOR-it
