Presidenti i Serbisë, Aleksandër Vuçiç, ka pretenduar se autoritetet e Kosovës “nuk kanë dashur asnjëherë dialog” dhe se në “çdo mënyrë po mundohen të fajësojnë Beogradin për ngjarjet e këqija në terren”.
Në një intervistë për televizionin e afërt me regjimin e tij “Pink”, Vuçiç ka pretenduar se Qeveria e Kosovës ndjek një ideologji “anarkiste-marksiste-hoxhiste”, qëllimi i parë dhe kryesor i së cilës, siç propagandon ai, “është dëbimi dhe shkatërrimi i serbëve në Kosovë”.
“Kemi të bëjmë me njerëz të zellshëm. Ata kurrë nuk kanë dashur dialog. Qëllimi i tyre i parë dhe themelor është dëbimi dhe shkatërrimi i serbëve në Kosovë. Kur ke një synim të tillë, dhe nuk ke çfarë të ofrosh ekonomikisht, atëherë është e qartë se do ta bësh”, propagandoi ai.
Duke folur për të ashtuquajturat masa gjoja për mbrojtjen e serbëve në Kosovë, Vuçiç theksoi se Beogradi “nuk po kërkon asgjë më shumë se sa është rënë dakord në dialogun me Prishtinën, që nga formimi i Asociacionit të Komunave me Shumicë Serbe e deri tek zgjedhjet lokale në Veri të Kosovës”.
“Ne po mbushim një vakum ligjor sepse disa vendime nuk janë të pavlefshme, por janë inekzistente për ne sepse janë marrë jashtë ligjit ndërkombëtar publik dhe jashtë çdo gjëje që ne vetë e kemi rregulluar përmes dialogut. Është plotësisht legjitime dhe legale”, pretendoi.
Ai shtoi se nuk pret ditë “të mira” sa i përket vazhdimit të dialogut me Kosovën, të ndërmjetësuar nga Bashkimi Evropian.
“Dalëngadalë po përgatitemi për Kuvendin e Serbisë dhe masat tona. Ne do të jemi gjithmonë me njerëzit tanë në Kosovë dhe presim të shohim nëse KFOR-i do ta mbajë fjalën se nuk do të lejojë hapjen e urës në Ibër pa dialog dhe marrëveshje me Serbinë”, deklaroi kreu serb.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke
-
Një vit nga sulmi në Banjë, Manastiri mbyllet nga 23 deri më 26 shtator
-
Posta apelon qytetarët të mos bien pre e mesazheve të dyshimta
-
Haradinaj në takim me Orav thekson nevojën që Kosova t’i kthehet kursit të integrimit euro-atlantik
Lajmet kryesore
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
-
Dorëhiqet anëtarja e Gjykatës Kushtetuese, Elsa Toska
-
Mossad mashtroi dhe befasoi Hezbollahun duke hedhur në erë pagerët
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke