![](https://albanianpost.com/wp-content/uploads/2024/06/xhevat-krasniqi.png)
Prokuroria Themelore në Prishtinë ka pranuar kallëzim penal ndaj profesorit të rregullt të matematikës në Fakultetin e Edukimit, i cili u denoncua nga 27 studente të Mjekësisë për ngacmim seksual në Këshillin e Etikës.
Lajmin për Albanian Post e ka konfirmuar zëdhënësja e Prokurorisë Themelore në Prishtinë, Laureta Ulaj.
“Prokurori i Shtetit ka marrë aktvendim për fillim të hetimeve ndaj Xh.K. Kjo çështje penale është duke u trajtuar në pajtim me dispozitat ligjore të KPPRK-së”, ka thënë Ulaj për AP.
Më 23 prill, Universiteti i Prishtinës (UP), kishte marrë vendim që të suspendoj profesorin Krasniqi.
Më 9 prill, ministrja e Arsimit, Shkencës dhe Teknologjisë, Arbërie Nagavci, kishte reaguar lidhur me pretendimet e disa studenteve që janë ngacmuar seksualisht nga profesori i rregullt i Universitetit të Prishtinës në fakultetin e Mjekësisë, Xhevat Krasniqi duke thënë se pret nga Këshilli i Etikës që ta trajtojë rastin pa vonesë.
“Si ministre e Arsimit pres nga Këshilli i Etikës si instancë kompetente dhe e pavarur statutare, që pa vonesë dhe në mënyrë meritore të trajtojë këtë rast dhe të gjitha pretendimet e ngjashme për sjellje që bien ndesh me normat e kodit etik dhe kuadrin normativ”, kishte thënë ajo.
Ndërkaq, më 11 prill, në protestën e organizuar nga Lëvizja Feministe Studentore u kërkua largimi i tij.
Aktivistja, Erza Dubova, konsideroi që Universiteti i Prishtinës nuk është i sigurt për vajzat.
Ndërkaq, nga Rrjeti i Grave të Kosovës thanë se Këshilli i Etikës është duke e trajtuar me vonesë këtë rast.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Borrell: Kosova s’ishte e gatshme për takim trelateral, Kurti paraqiti tri kushte
-
Gonzato takim me kreun e KLSH-së: Institucioni, rol vendimtar antikorrupsional
-
Rama flet rreth “dashurisë së verbër” për Evropën dhe zbulon nëse Netanyahu do të arrestohej në Shqipëri pas vendimit të GJNP-së
-
Dialogu vazhdon në fillim të korrikut, në nivel të kryenegociatorëve