Zëvendës Kryeprokurori i Bullgarisë, Borislav Safarov, ka publikuar informacionet zyrtare nga hetimi i deritanishëm lidhur me aksidentin e 23 nëntorit që u mori jetën 46 personave – mes tyre 12 fëmijë, ku vëren se viktimat janë asfiksuar nga tymi i zjarrit dhe nuk ka pasur shpërthim.
Fillimisht Safarov sqaroi se informacionet që qarkulluan se në autobus po transportoheshin lëndë djegëse “është hetuar dhe është hedhur poshtë kategorikisht”.
Zyrtari i drejtësisë e konsideroi si “të pabazë” – këtë njoftim që ka qarkulluar të mërkurën e 24 nëntorit në mediat bullgare apo maqedonase.
“Në autobus u gjetën tri shishe, që përmbanin vetëm mbetje vaji. Nuk ishin të mbushura dhe as të djegura. Rrjedhimisht, zjarri nuk është shkaktuar nga ato”, nënvizoi Sarafov gjatë fjalës së tij para medias.
Lidhur me hetimet e shkaqeve, zëvendës kryeprokurori bullgar, ravijëzoi se, deri më tani, dyshimi më i madh është “gabimi njerëzor ose sinjalizimi i dobët”.
Pas përfundimit të autopsive, Safarov tregon se të gjitha konfirmojnë se personat kanë vdekur si pasojë e mbytjes nga zjarri, e jo nga lëndimet e marra nga përplasja apo shpërthimi.
“Gjurmë tymi u gjetën në mushkëritë e tyre, që do të thotë se ata ishin gjallë në momentin e zjarrit”, tha më tej prokurori bullgar.
Ndërtimi i ngjarjes
Të paktën 46 persona humbën jetën, 45 prej tyre shqiptarë nga Maqedonia e Veriut, pasi një autobus u përfshi nga flakët në orët e para të 23 nëntorit.
Sipas autoriteteve bullgare, ky incident ndodhi në një autostradë të Bullgarisë Perëndimore.
Shtatë persona me djegie u dërguan në spitalin e kryeqytetit, Sofje, tha për televizionin BTV kreu i departamentit të sigurisë nga zjarri në Ministrinë e Brendshme Bullgare, Nikolai Nikolov.
“Të paktën 45 njerëz u vranë pasi një autobus mori flakë dhe u rrëzua, ose u përplas dhe më pas mori flakë”, tha Nikolov.
Ministria e përditësoi më pas numrin në 46. Në bord kishte gjithsej 53 persona.
Një zyrtar nga spitali i urgjencës së Sofjes tha se shtatë personat, që po merrnin trajtim, ishin hedhur nga autobusi që po digjej.
Të gjithë janë në gjendje të qëndrueshme për jetën.
Ministri Osmani sqaroi për mediat se pasagjerët po ktheheshin në Shkup, pas një udhëtimi në fundjavë në Stamboll.
Aksidenti ndodhi në autostradën Struma, rreth 45 kilometra në perëndim të Sofjes, rreth orës 2 të mëngjesit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ish i dashuri i Princeshës Beatrice, Paolo Liuzzo, vdes nga mbidoza e dyshuar e drogës
-
Raportimi i AP-së për mospunësimin e katër specialistëve, Vitia: Do t’u bëhet zgjidhje sa më shpejtë
-
Lëshonin fatura fiktive duke i shkaktuar shtetit 1 milionë euro dëm, ‘arrest në burg’ për dy shtetas
-
Gërvalla i quan “lotë të krokodilit” shqetësimet e opozitës për raportin e DASH-it
Lajmet kryesore
-
Nis takimi Bislimi – Petkoviç në Bruksel për dinarin
-
“Afera e ambalazhuesve”, Selmanaj: Prokuroria urgjentisht të fillojë çmontimin e kësaj skeme korruptive dhe kriminale
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
SPAK nuk fillon procedim për Bardhin, pas kërkesës nga Olsi Rama