Lajme

Projektligjet e (pa) miratuara në Kuvendin e Kosovës


Kuvendi i Republlikës së Kosovës

Deputetët e kësaj legjislature po vazhdojnë këtë të enjte punimet e seancës së djeshme.

Në vazhdën e projektligjeve të parapa për diskutim dhe votim, deputetët e kanë votuar për Projektligjin për Gjykatën Komerciale.

Gjatë votimit, në sallë kanë qenë gjithsej 80 deputetë.

Ky projektligj është miratuar me gjithsej 74 vota për.

Në lidhje me Projektligjin për Gjykatën Komerciale nuk ka pasur asnjë votë kundër dhe asnjë abstenim.

Miratohet ligji për ndryshimin dhe plotësimin e Ligjit për Deminim Humanitar

Me 80 vota për, deputetët e Kuvendit të Kosovës miratuan ligjin për ndryshimin dhe plotësimin e Ligjit për Deminim Humanitar.

Në lidhje me këtë, nuk ka pasur vota kundër dhe as abstenime.

Ndryshe, votimi për ligjit për ndryshimin dhe plotësimin e Ligjit për Deminim Humanitar u bë nga të gjithë deputetët që ishin në sallë.

Kuvendi i Kosovës ka miratuar Projektligjin për të drejtat pronësore të shtetasve të huaj në Kosovë.

Përkrahje këtij projektligji i dhanë 75 deputetë, ndërsa deputetët e Lidhjes Demokratike të Kosovës nuk votuan.

Paraprakisht të zgjedhurit e popullit miratuan edhe katër amendamente përcjellëse të këtij projektligji.

Paraprakisht, të zgjedhurit e popullit miratuan 32 amendamente përcjellëse të këtij projektligji.

Kuvendi i Republlikës së Kosovës

S’miratohet marrëveshja për “Projektin e Reformës së Sistemit të Ndihmës Sociale”

Nuk është miratuar marrëveshja e marrëveshjes së financimit mes Kosovës dhe Asociacionit Ndërkombëtar për Projektin e Reformës së Sistemit të Ndihmës Sociale në Kosovë.

Për këtë marrëveshje 75 deputetë kanë votuar për dhe 8 kundër.

“Me 75 vota për dhe 8 kundër dhe asnjë absnetim, konstatoj se Kuvendi nuk e miraton këtë marrëveshje”, u shpreh kryeparlamentari Glauk Konjufca.

Ndryshe, për marrëveshjen në fjalë, votuan gjithsej 83 deputetë të Kuvendit të Kosovës.

E njëjta u konsiderua e nevojshme nga Qeveria Kurti dhe u përkrah edhe nga dy partitë opozitare, PDK dhe AAK, mirëpo u kundërshtua nga LDK-ja.

Hekuran Murati, Ministër i Financave

Ministri i Financave, Punës dhe Transfereve, Hekuran Murati, tha se vlera totale e marrjes së kredisë për reformë është 47 milionë euro.

“Vlera totale e projektit prite të kap shumën deri në 47 milionë euro dhe do t’i mundësojë Qeverisë së Kosovës që të përmirësojë efikasitetin e asistencës sociale. Përmes testit të varfërisë do të targetohen më mirë shpenzimet e qeverisë të cilat shkojnë drejtë familjeve në nevojë”.

“Si dhe avancimin e integruar të familjeve me asistencë sociale në mënyrë që të krijohen mundësia që të ardhmen të zgjerohet baza e asistencës sociale, në raste të ngjashme sikur kishim tash në krizën e pandemisë”, tha ai.

Deputet i Lëvizjes Vetëvendosje, Armend Muja tha se ky projektligj ka interes edhe programor, por edhe avancim të shanseve të barabarta për barazinë sociale.

“Ne si grup parlamentar e mbështesim këtë projektligj për arsye se ky projektligj tenton të përmirësojë barazinë dhe rrjetin e sigurisë sociale. Disa prej kompontentave që i ka ky projektligj janë me interes programor dhe avancimin e shanseve të barabarta, por edhe të njëjtën kohë barazi sociale”, deklaroi ai.

Mbështetje ofroi edhe Partia Demokratike e Kosovës, përmes deputetit, Mërgim Lushtaku.

“E shohim të nevojshme të këtë një mbështetje, megjithëse ka mundësi që të ardhmen të ketë përmirësime që i kemi kërkuar edhe në Komisionin për buxhet, punë dhe transfere”, tha ai.

Megjithëse i dha përkrahje këtij projektligji, shefi i grupit parlamentar të AAK-së, Besnik Tahiri kërkoi detaje për marrëveshjen dhe qëllimin e reformës.

“Në krejt këtë proces ajo që ne si grup parlamentar e kemi rendësi është që skemat sociale për shtetin e Kosovës është barra më e madhe në raport me harxhimin dhe efektin që duhet të analizojmë. Nëse flasim për reformë, pyetja shtrohet se cili është synimi parësor i saj? A është zgjerimi i skemës sociale, a është të ngushtohet, a do të ketë një riorganizim të atyre që janë të skemë sociale”, shtoi ai.

Por, kundërshti ndaj marrjes së kësaj kredie shprehu deputeti i LDK-së, Avdullah Hoti, i cili tha se nuk ka ndodhur asnjëherë që të merren kredi për pagesa të skemave sociale.

“Të merret kredi për pagesë të skemave sociale kjo nuk ka ndodhur asnjëherë. Ndoshta prej viti 2008 e këndej nuk ka ndodhur që qeveria të marrë kredi për të paguar pagat ose skemat e ndryshme sociale dhe pensione”.

“Në fund të fundit çfarë shteti jemi ne që me të hyrat që mbledhim të paguajmë skemat sociale edhe shpenzimet elementare në shëndetësi, arsim dhe pagat që të funksionojë një shtet normal. Nëse e sheh historinë edhe përvojën e vendeve të tjera vetëm Palestina, Sahara Perëndimor, pra vetëm disa prej vendeve që kanë vështirësi konsolidimin e institucioneve të tyre marrin kredi të tilla. Por jo vende siç është Kosova”, tha ai.

Avdullah Hoti, Deputeti i Lidhjes Demokratike të Kosovës

Deputeti i Lidhjes Demokratike të Kosovës, Avdullah Hoti, ka thënë se asnjëherë nuk ka ndodhur që të merret kredi për t’i financuar skemat sociale e pensionale në një situatë normale.

Hoti këtë deklaratë e bëri në Kuvend, pasi ministri Murati prezantoi një marrëveshje ndërkombëtare për kredi nga Banka Botërore në vlerë 47 milionë euro për skemat sociale, transmeton Telegrafi.

“Që të rishikohen skemat pajtohemi sepse ka qytetarë që plotësojnë kushtet dhe s’marrin dhe anasjelltas. Të merret kredi për pagesë të skemave sociale kjo nuk ka ndodhur asnjëherë ndoshta prej vitit 2008 e këndej që shteti i Kosovës të marrë kredi për të paguar skemat sociale ose paga. Në fund të fundit çfarë shtetit jemi nëse nuk arrijmë që me të hyrat që kemi të paguajmë skemat sociale e pensionale”, ka pohuar Hoti.

Hoti shtoi tutje se është e pakuptimtë të merret kredia pas buxhetit të miratuar.

Ndërkaq, ministri i Financave, Hekuran Murati ka thënë se janë siguruar që gjatë marrëveshjes me Bankën Botërore pjesa më e madhe e mjeteve të shkojnë në xhepat e qytetarëve.

“Ne si Ministri e Financave kemi nënshkruar marrëveshjen e financimit për projektin e reformimit të sistemit të ndihmës sociale me Asociacionin Ndërkombëtar për Zhvillim që është në kuadër të Bankës Botërore. Vlera totale kap shifrën e 47 milionë eurove dhe do t’i mundësojë qeverisë së Kosovës që të përmirësojë efikasitetit e sistemit të asistencës sociale ku përmes testit të varfërisë do të targetohen më mirë shpenzimet e qeverisë të cilat shkojnë drejt familjeve në nevojë si dhe avansimin e sistemeve të integruara sociale në mënyrë që të krijohet mundësia që në të ardhmen të zgjerohet baza e asistencës sociale në raport me nevojat e qytetarëve”.

“Jemi siguruar që gjatë negocimit të sigurojmë kushte sa më të mira që sa më shumë mjete të shkojnë në xhepat e qytetarëve, asistenca teknike është e kufizuar”, u shpreh Murati.

Për të tretën herë dështon të ndryshohet Ligji për Festat Zyrtare

Në mungesë të deputetëve të komuniteteve, ka dështuar të procedohet shqyrtimi i parë i Projektligjit për ndryshimin dhe plotësimin e ligjit për festat zyrtare në Republikën e Kosovës.

Kryetari i Kuvendit, Glauk Konjfuca deklaroi se ky ligj kërkon trajtim specifik, dhe se nuk mund ta procedojnë pasi mungojnë deputetët e komuniteteve.

“Më duket po i rikthehemi për herë të tretë këtij projektligji për ndryshimin dhe plotësimin për Ligjin festat zyrtare në Republikën e Kosovës. Por, ky ligj e kërkon për shkak të Kushtetutës një trajtim specifik edhe duke qenë se komunitetet tjera nuk janë në sallë, atëherë nuk mund të procedojmë fare me këtë projektligj”, ka thënë ai.

Ndërsa, shefi i Grupit Parlamentar të LDK-së, Arben Gashi kërkoi që të hiqet nga rendi i ditës, dhe kur do që të krijohen kushtet të kalojë dhe të mos përsëritet më në Kuvend.

“Të hiqet fare nga rendi i ditës dhe le të mbetet kurdo që krijohen kushtet në kryesi. Sepse në kryesi pak a shumë janë të përfaqësuara krejt grupet politike dhe grupet etnike dhe nëse jepen pëlqimin atëherë le të kalojë. Përndryshe të mos e përsëritëm më në kuvend”, ka kërkuar Gashi.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com

Lajmet kryesore