Prodhuesit e makinave në BE i kërkojnë Von der Leyen të shtyjë tarifat për automjetet elektrike
Shefat e prodhuesve më të mëdhenj të makinave në Evropë i kanë kërkuar presidentes së Komisionit Evropian që të shtyjë vendosjen e tarifave pas Brexit-it.
Sipas tyre, këto tarifa, do të dëmtojnë prodhimin e automjeteve elektrike në BE.
Renault, Mercedes-Benz, Volvo dhe Ferrari ishin ndër 13 prodhuesit e mëdhenj që i shkruan Ursula von der Leyen duke kërkuar një shtyrje për “rregullat e origjinës” që janë planifikuar të hyjnë në fuqi më 1 janar.
Industritë e makinave në të dy anët e Kanalit janë bashkuar duke kërkuar që afati të shtyhet me tre vjet deri në fund të vitit 2026, për të shmangur vendosjen e tarifave 10 për qind brenda natës.
Prodhuesit e makinave përfshinin gjithashtu Toyota, Ford dhe Jaguar Land Rover, të cilat të gjitha kanë fabrika në Britani, plus BMW dhe Volkswagen, të cilët zotërojnë Rolls-Royce dhe Bentley në MB.
Ata kanë fituar mbështetjen e fortë të qeverisë së Mbretërisë së Bashkuar, e cila dëshiron të shmangë çdo ndikim negativ nga Brexit.
Megjithatë, zyrtarë të lartë të BE-së kanë thënë se nuk besojnë se marrëveshja e negociuar duhet të rihapet për të qetësuar industrinë e makinave.
Mbretëria e Bashkuar dhe BE-ja ranë dakord për një marrëveshje të nxituar Brexit-i në prag të Krishtlindjeve 2020, për lehtësimin e prodhuesve të makinave dhe shumë industrive të tjera.
Marrëveshja përfshinte gjithashtu rregulla për të detyruar prodhuesit e makinave të furnizonin bateritë nga BE-ja.
Makinat e eksportuara midis Britanisë së Madhe dhe BE-së do t’i nënshtrohen tarifave prej 10 për qind nëse nuk marrin bateri nga brenda Evropës.
Rreth 90 për qind e makinave elektrike të eksportuara nga BE-ja në MB dhe anasjelltas, do të preken, por makinat me benzinë dhe naftë nuk do të preken.
Rregullat janë problem sepse Kina, Koreja e Jugut dhe Japonia dominojnë tregun global të prodhimit të baterive.
Prodhuesit e makinave besojnë se tarifat për automjetet evropiane do të ndihmojnë prodhuesit kinezë, të cilët shpresojnë të fitojnë një pjesë më të madhe të tregut të Evropës – një ndryshim që mund të kërcënojë vendet e punës në Evropë.
Shefat thanë se rregullat e origjinës ishin të paarritshme dhe “do të kishin pasoja të drejtpërdrejta të rëndësishme në drejtim të një humbjeje të mundshme të prodhimit të automjeteve elektrike në Evropë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Europapa apo Baby Lasagna? – Garuesit për t’u pasur kujdes në Eurovision 2024
-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës