Marco Serra bëri një referim skandaloz në ndeshjen Milan – Spezia, e cila përfundoi me rezultat 1:2 në favor të këtyre të fundit.
Serra anuloi një gol të vonshëm të futbollistit të Milan-it, Junior Messias, duke i dhënë një goditje dënimi atyre pa luajtur avantazhin.
Zyrtari i ndeshjes bëri vërshëllimën e fundit përpara se Messias të godiste topin, duke e dërguar atë në rrjetë.
L'Aia si scusa con il Milan per gli errori di Serra, l'arbitro verso un lungo stop #MilanSpezia https://t.co/MsOR3H96fL
— La Gazzetta dello Sport (@Gazzetta_it) January 17, 2022
Me të përfunduar ndeshja, kuqezinjtë morën kërkim falje nga Shoqata e Arbitrave të Italisë (AIA), si dhe nga vet protagonisti i këtij takimi.
Sipas “La Gazzetta dello Sport”, AIA i ka kërkuar falje Milan-it dhe gjyqtari Marco Serra do të përballet me një pezullim të gjatë pas gabimeve skandaloze që bëri.
Gjithashtu edhe trajneri i Milan-it, Stefano Pioli, pranoi se Serra u kërkoi falje lojtarëve të tij dhe i erdhi keq për të pranuar se përgjegjësia për humbjen e Diavoli-t duhet të ndahet mes lojtarëve të tij dhe arbitrit.
Derisa trajneri i Spezia-s, Thiago Motta nuk komentoi aspak arbitrin, por tha se ekipi i tij luajti shumë mirë dhe e meritoi fitoren.
Kujtojmë që një fitore eventuale e Milan-it do të vlente shumë, pasi që ata do të rrëmbenin vendin e parë, duke parakaluar Inter-in.
Tani kuqezinjtë mbeten përsëri në vendin e dytë me 48 pikë, dy më pak se rivalët e tyre për titull, të cilët kanë një ndeshje më pak të zhvilluar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama: Projektligji për Dhomën Ekonomike Kombëtare i vonuar, do të regjistrohen të gjitha bizneset
-
Komiteti i Përbashkët i Mbikëqyrjes Shqipëri-MB, Balla: Janë deportuar mbi 2 mijë shtetas shqiptarë
-
Përgjigja e Aleancës në frontin Lindor, njësi ultra-reaktive dhe 60 mijë burra të tjerë
-
PDK-ja voton kryesinë e re, Bedri Hamza emërohet nënkryetar