Presidentja e Kosovës, Vjosa Osmani, ka kërkuar nga Ministria e Jashtme që ambasadorit Martin Berishaj, t’i kërkohet raport me shkrim, pas publikimit të një skandali të madh financiar në mediat sllovene, ku edhe vetë Berishaj raportohet se është i përfshirë.
Osmani përveç raportimit ka kërkuar nga Berishaj që të vijë në Kosovë për të sqaruar çështjen në fjalë.
“Njoftojmë qytetarët se Presidentja tashmë ka kërkuar, në komunikim me Ministren e Punëve të Jashtme dhe Diasporës, që nga Ambasadori Berishaj të kërkohet raport me shkrim lidhur me artikullin në një medie në Slloveni dhe po ashtu që Ambasadori Berishaj të thirret në Kosovë për të sqaruar situatën”, thuhet në komunikatën për media të zyrës së presidentes.
Më tej në komunikatë thuhet se insitutucionet e Kosovës asnjëherë nuk kanë marrë asnjë informatë nga institucionet e Sllovenisë apo të ndonjë shteti tjetër për involvimin e ambasadorit Berishaj në ndonjë vepër penale.
Në anën tjetër, Presidentja në një konferencë për media pati deklaruar se institucionet e Kosovës besojnë deklarimeve të Berishajt, i cili në mënyrë kategorike kishte mohuar akuzat se është përfshirë në një skandal financiar në Slloveni.
“Ne i besojmë ambasadorit tonë”, pati deklarua Osmani.
E pyetur nga gazetarët gjatë konferencës të përbashkët për media me presidentin e Letonisë, Egils Levits, i cili po qëndron për vizitë zyrare në Kosovë, Osmani la të nënkuptohet se raportimet i konsideron dezinformata.
“Atyre që publikohen siç e ka thënë presidenti amerikan Joe Biden: rreziku më i madh për demokracinë tonë nuk janë vetëm tanket, por edhe dezinformatat”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Mes tensioneve për Gazën, shtyhet vizita e Erdogan në Shtëpinë e Bardhë
-
Thaçi: Ëndrra ime është që të gjithë shqiptarët të jetojnë në një shtet
-
Vaksinat e personalizuara mRNA për melanomën hyjnë në fazën e re të provës
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE